بەيجىڭ-2022: دميتري رەيحارد موگۋلدان فينالعا جولداما الدى

نۇر-سۇلتان. قازاقپارات - بەيجىڭدەگى ءوتىپ جاتقان قىسقى وليمپيادا ويىندارىندا دميتري رەيحارد موگۋلدان فينالعا جولداما الدى، دەپ حابارلايدى قازاقپارات ءتىلشىسى.

ول اتالعان سىندا 74.90 ۇپاي ەنشىلەپ، بەيجىڭدەگى وليمپيادا ويىندارىنىڭ فينالىنا جولداما الدى. تاعى ءبىر وتانداسىمىز پاۆەل كولماكوۆ 69.94 ۇپايمەن جارىس جولىنان شىعىپ قالدى. فينال بۇگىن ەلوردا ۋاقىتىمەن 17:30-دا وتەدى.

ەسكە سالا كەتەيىك، سپورتتىڭ جەتى تۇرىنەن 109 مەدال جيىنتىعى ساراپقا سالىنادى. XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسۋدا. ولار 87 جولداما جەڭىپ الدى. قازاقستاندىقتار شاڭعى جارىسى، فريستايل، اكروباتيكا جانە موگۋل، كونكيمەن جۇگىرۋ، شورت-ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا تۇسەدى.

اۆتور: كۇنسۇلتان وتارباي