10:02, 15 - جەلتوقسان 2021 | GMT +5
يتاليادا توتەنشە جاعداي رەجيمى 2022 -جىلدىڭ ناۋرىزىنا دەيىن ۇزارتىلدى
نۇر-سۇلتان. قازاقپارات - يتالياداعى توتەنشە جاعداي رەجيمى 2022 -جىلدىڭ 31-ناۋرىزىنا دەيىن ۇزارتىلدى.
بۇل تۋرالى قازاقپارات euronews سايتىنا سىلتەمە جاساپ حابارلايدى.
يتاليانىڭ دەنساۋلىق ساقتاۋ ءمينيسترى روبەرتو سپەرانتسا ەۋرووداق ەلدەرىنەن يتالياعا كەلگەندەر كوروناۆيرۋسقا بايلانىستى تەست تاپسىرۋ قاجەت وكىمگە قول قويدى. ۆاكتسينا الماعاندار ءۇشىن 5 كۇندىك كارانتين قايتا ەنگىزىلەدى. ەۋروپا ەلدەرىنە كىرمەيتىن اۋماقتان كەلۋشىلەر ءۇشىن شەكتەۋلەر اۆتوماتتى تۇردە ۇزارتىلادى. بۇل شارالار كەم دەگەندە 31-قاڭتارعا دەيىن كۇشىندە بولادى. 1- جەلتوقساننان باستاپ مىندەتتى ەكپە تالاپتارى مەكتەپ جانە پوليسيا قىزمەتكەرلەرى ءۇشىن ەنگىزىلمەك.
