تۇركيادا 2022 -جىلى دەمالىس قىمباتتاي ما
ساۋالناماعا قاتىسقان قوناقۇيلەردىڭ الدىن الا مالىمەتتەرى بويىنشا باعالار 2021 -جىلدىڭ دەڭگەيىندە قالادى نەمەسە 10 پايىزعا (ەۆرومەن) كوتەرىلەدى، - دەپ حابارلايدى Kaz.tengritravel.kz ءتىلشىسى ۆەستنيك اتور سايتىنا سىلتەمە جاساپ.
تۇركيادا سالىق كولەمى ۇلعايدى. سوندىقتان بۇل دەمالىستىڭ قىمباتتاۋىنا اسەر ەتۋى مۇمكىن. 2021 -جىلدىڭ قىركۇيەگىنىڭ باسىندا ەلدىڭ قارجى مينيسترلىگى ورنالاستىرۋ، تاماقتانۋ، مادەنيەت جانە دەمالىس قىزمەتتەرىن ۇسىناتىن ۇيىمداردى قولداۋ ءۇشىن تاعى دا 8 پايىز ق ق س بەلگىلەدى. ال، 2020 -جىلى جانە 2021 -جىلدىڭ جازىندا قوناقۇيلەر ءۇشىن بۇل تولەم تومەندەتىلگەن بولاتىن.
سونىمەن قاتار، 2022 -جىلى قوناقۇيلەردەن 2 پايىز مولشەرىندە جاڭا تۇرۋ سالىعىن الۋ جوسپارلانعان. ونى ەنگىزۋ 2020 -جىلى توقتاتىلدى. 2022 -جىلعا ارنالعان تۋروپەراتورلار مەن قوناق ءۇي كەلىسىمشارتتارى وسى 2 پايىزدى ەسكەرە وتىرىپ جاسالدى.
قازاقستاندىقتار ءۇشىن تۇركياداعى دەمالىس باعالارىنا اقشا باعامنىڭ اۋىتقۋى دا اسەر ەتۋى مۇمكىن.
