حالىقارالىق وليمپيادا كوميتەتى سولتۇستىك كورەيانى 2022 -جىلعى وليمپيادادان شەتتەتتى
ك ح د ر قۇراماسى 23-شىلدە – 8-تامىز ارالىعىندا وتكەن توكيو وليمپياداسىنا قاتىسقان جوق.
«ويىندارعا تەك ك ح د ر قاتىسقان جوق. ولار جارعىنى بۇزدى، ءوز مىندەتتەرىن ورىندامادى. ءبىز ك ح د ر ۇ و ك- ءتىن 2022 -جىلدىڭ سوڭىنا دەيىن شەتتەتۋ تۋرالى شەشىم قابىلدادىق. ح و ك ديسكۆاليفيكالاۋ ۋاقىتىن قايتا قاراۋ قۇقىعىن وزىنە قالدىرادى»، - دەدى توماس باح حالىقارالىق وليمپيادا كوميتەتىنىڭ YouTube-تەگى كانالىندا وتكەن باسپا ءسوز ءماسليحاتىندا.
«ك ح د ر ۇ و ك ۋاقىتشا توقتاتۋ كەزىندە حوك قولداۋىنا نەمەسە ونىڭ باعدارلامالارىنىڭ ىسكە اسىرىلۋىنا ءۇمىت ارتا المايدى. ەگەر ك ح د ر سپورتشىلارى ىرىكتەۋ جارىستارىنىڭ قورىتىندىلارى بويىنشا بەيجىڭدەگى وليمپيادا ويىندارىنا ىرىكتەلسە، ح و ك اتقارۋ كوميتەتى كەيىننەن وسى سپورتشىلارعا قاتىستى ءتيىستى شەشىم قابىلدايتىن بولادى»، - دەپ اتاپ ءوتتى ول.
