فۋتبولدان الەم چەمپيوناتى-2022: بۇگىنگى ويىندا قازاقستان قۇرامىندا كىمدەر شىعادى؟

نۇر-سۇلتان. قازاقپارات - بۇگىن، 7- قىركۇيەكتە فۋتبولدان 2022 -جىلعى الەم چەمپيوناتىنا ىرىكتەۋ ساتىسىندا ءتورتىنشى ويىنىندا قازاقستان بوسنيا جانە گەرتسوگوۆيناعا قارسى قۇرامىن جاريالادى، دەپ حابارلايدى قازاقپارات ءتىلشىسى.
None
None

بۇل جونىندە قازاقستان فۋتبول فەدەراتسياسىنىڭ باسپا ءسوز قىزمەتى حابارلادى.

قوس قۇراما اراسىنداعى كەزدەسۋدى Qazaqstan جانە Qazsport تەلەارنالارى ەلوردا ۋاقىتىمەن 00:35 تە تىكەلەي ەفيردە كورسەتەدى.

ۇلتتىق قۇرامانىڭ باپكەرى تالعات بايسۋفينوۆ العاشقى مينۋتتان قاقپاشى: يگور شاتسكي، قورعاۋشىلار - يۋري لوگۆينەنكو، سەرگەي مالىي، الەكساندر ماروچكين، مارات بىستروۆ، رومان ۆوروگوۆسكي، جارتىلاي قورعاۋشىلار - اسحات تاعىبەرگەن، يسلامبەك قۋات، گەورگي جۋكوۆ، ۆلاديسلاۆ ۆاسيليەۆ. شابۋىلشى ارتۋر شۋشەناچيەۆقا سەنىم ارتتى.

ايتا كەتسەك، بۇعان دەيىن ەكى قۇراما بىردە-ءبىر مارتە كەزدەسكەن جوق. بۇگىن تۇڭعىش مارتە شەبەرلىك بايقاسادى.

قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرتسوگوۆينا، فينليانديا.

سونداي-اق، بۇگىن اتالعان توپتا فرانسيا مەن فينليانديا قۇرامالارى وينايدى.

بۇل توپتا بەس ويىننان كەيىن 8 ۇپاي جيناعان فرانسيا كوش باسىندا كەلەدى. قازاقستان، بوسنيا جانە گەرتسوگوۆينا قۇرامالارى ءتورت ويىننان كەيىن 2 ۇپايمەن بەسىنشى ورىندا تۇر.

سوڭعى جاڭالىقتار