فۋتبولدان ءا چ-2022: قازاقستان قۇراماسىنىڭ بۇگىنگى ويىنىن قايدان كورۋگە بولادى
ويىن ەلوردا ۋاقىتىمەن 19:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى. وتكەن تۋردا قازاقستان ەلوردادا ۋكراينامەن 2:2 ەسەبىمەن تەڭ تۇسسە، فينليانديا سول كۇنى جولداستىق كەزدەسۋدە ۋەلسپەن 0:0 ەسەبىنە قاناعات ءبىلدىردى.
ايتا كەتسەك، بۇعان دەيىن ەكى قۇراما ءۇش مارتە شەبەرلىك بايقاستى. 2006 -جىلى كيپردە وتكەن حالىقارالىق تۋرنيردە ەكى قۇراما نەگىزگى كەزەڭدە 0:0 ەسەبىمەن تەڭ ويناپ، پەنالتيدە قازاقستاندىق فۋتبولشىلار 3:1 ەسەبىمەن جەڭىپ كەتتى. ودان كەيىن قۇرامالار 2008 -جىلعى ىرىكتەۋ كەزەڭىندە جولىقتى.
قازاقستان اتالعان قارسىلاسىنا ءوز الاڭىندا 0:2 ەسەبىمەن جول بەرسە، سىرت الاڭدا 1:2 ەسەبىمەن ەسە جىبەردى.
ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرتسوگوۆينا، فينليانديا. سونداي-اق، بۇگىن اتالعان توپتا ۋكراينا مەن فرانسيا قۇراماسى شەبەرلىك بايقاسادى.
بۇل توپتا ءتورت ويىننان كەيىن 8 ۇپاي جيناعان فرانسيا كوش باسىندا كەلەدى. قازاقستان ءۇش ويىننان كەيىن 2 ۇپايمەن بەسىنشى ورىندا تۇر.
اۆتور: ءادىلجان ۇمبەت
