التاي كولگىنوۆ 2022 -جىلى قانشا مەكتەپ سالىناتىندىعىن ايتتى
بۇل تۋرالى نۇر-سۇلتان قالاسىنىڭ اكىمى التاي كولگىنوۆ ايتتى، دەپ حابارلايدى قازاقپارات ءتىلشىسى.
«بارلىق مەكتەپتى بيۋدجەت ەسەبىنەن سالا المايمىز. سوندىقتان جەكە ينۆەستيسيا ءۇشىن دە، مەملەكەتتىك- جەكەشەلىك ارىپتەستىك ءۇشىن دە جاعداي جاساۋعا ءتيىسپىز. 2019 -جىلى 6، 2020 -جىلى 11 مەكتەپ سالدىق. 2021 -جىلى 15 مەكتەپ سالىپ جاتىرمىز. بۇل ەكى اۋىسىمدا وقىعان كەزدە 40 مىڭ وقۋشى ورنىن قامتاماسىز ەتەدى دەگەن ءسوز. 2020 -جىلدىڭ قورىتىندىسىندا ءۇش اۋىسىمدى مەكتەپتەردىڭ سانىن 2 ەسەگە، 8 دەن 4 كە دەيىن، ال وقۋشى سانى ارتىق مەكتەپتەردىڭ سانىن 22 دەن 14 كە دەيىن قىسقارتتىق»، - دەدى ول نۇر-سۇلتان قالالىق ءماسليحاتىنىڭ كەزەكتەن تىس سەسسياسىندا.
دەگەنمەن، ەلوردا اكىمى جاڭا ءبىلىم وردالالارىن سالۋ جۇمىسى توقتالاتىن بولسا، اتالعان مەكتەپتەردىڭ بارلىعى قايتادان 3 اۋىسىمدا ءبىلىم بەرۋگە ءماجبۇر بولاتىندىعىن باسا ايتتى.
«وعان جول بەرە المايمىز. 2 جىلدىڭ ىشىندە جەكەمەنشىك مەكتەپ قۇرىلىسىنا قاتىستى 36 جەكە جوباعا قولداۋ كورسەتتىك. ونىڭ ءبىر بولىگى بۇگىندە جۇزەگە اسىرىلىپ جاتىر جانە بۇل مەكتەپتەر بيىل ەسىكتەرىن اشاتىن بولادى. قازىردىڭ وزىندە بۇل مەكتەپتەر ۇلكەن سۇرانىسقا يە بولىپ وتىر. بۇل وتە ماڭىزدى جۇمىس. كەلەسى جىلى دا وسىنشاما مەكتەپ سالامىز»، - دەدى التاي كولگىنوۆ.
