مامين ۇلكەن الماتى اينالما جولىن 2022 -جىلدىڭ سوڭىنا دەيىن اياقتاۋدى تاپسىردى
ۇلكەن الماتى اينالما جولى- قازاقستان مەن ورتالىق ازياداعى مەملەكەتتىك- جەكەشەلىك ارىپتەستىك سالاسىنداعى جول قۇرىلىسىنىڭ ءىرى ينفراقۇرىلىمدىق جوباسى. قۇرىلىس- مونتاج جۇمىستارىنىڭ قۇنى 150 ميلليارد تەڭگەنى قۇرايدى. جوبانى ەۋروپا قايتا قۇرۋ جانە دامۋ بانكى، يسلام دامۋ بانكى، ەۋرازيا دامۋ بانكى قارجىلاندىرادى. كونتسەسسيا شارتىنا 2018 -جىلى 20 جىل مەرزىمگە قول قويىلدى.
كونسەسسيونەر - «السيم الاركو»، «ماكيول ينشاات»، «سك ەكوپلانت»، «كورەيا ەكسپرەسسۆەي» سەكىلدى تۇركيا جانە وڭتۇستىك كورەيا كومپانيالارى قۇرعان «ۇلكەن الماتى اينالما جولىن ينۆەستيتسيالار جانە وپەراتسيالار» ج ش س. الماتى قالاسىنىڭ توڭىرەگىندەگى ۇزىندىعى 66 ك م جانە التى جولاقتى قوزعالىستى ۇلكەن اينالما اۆتوموبيل جولى I تەحنيكالىق سانات پارامەترلەرىنە سايكەس كەلەتىن بولادى. اۆتوجول قۇرىلىسىمەن قاتار جاڭا كوپىرلەر، كولىك جول ايىرىقتارى مەن ەستاكادالار سالۋ كوزدەلگەن.
«جوبانى ىسكە اسىرۋ كولىك قىزمەتىن كورسەتۋ ساپاسىن ارتتىرادى، جول قوزعالىسى قاۋىپسىزدىگىن قامتاماسىز ەتەدى، اۆتوموبيل كولىگىنىڭ قورشاعان ورتاعا تەرىس اسەرىن ازايتادى. ۇلكەن الماتى اينالما جولىن پايدالانۋعا بەرىلگەننەن كەيىن بارلىق ترانزيتتىك اعىن - تاۋلىگىنە شامامەن 38 مىڭ اۆتوموبيل الماتى قالاسىن اينالىپ وتەتىن بولادى. بۇل رەتتە قىتاي مەن ەۋروپا اراسىنداعى جۇك تاسىمالداۋ كولەمى وسەدى دەپ كۇتىلۋدە. قۇرىلىس الاڭىنا شامامەن 1600 ادام مەن 600 بىرلىك تەحنيكا جۇمىلدىرىلعان. قۇرىلىس اسا بەلسەندى جۇرگىزىلەتىن كەزدە 3 مىڭعا جۋىق ادامدى تارتۋ جوسپارلانىپ وتىر»، - دەلىنگەن سايتتا.
ۇكىمەت باسشىسى قۇرىلىس- مونتاجداۋ جۇمىستارىنىڭ قارقىنىن ارتتىرۋدى جانە بارلىق ساپا ستاندارتتارىن قامتاماسىز ەتە وتىرىپ، جۇمىستى كەستەدەن 2 جىلعا ەرتەرەك، 2022 -جىلدىڭ سوڭىنا دەيىن اياقتاۋدى تاپسىردى.
«ۇلكەن الماتى اينالما جولىن قۇرىلىسى الماتى اگلومەراتسياسىن عانا ەمەس، سونداي- اق جالپى ەلدىڭ ترانزيتتىك- كولىك الەۋەتىن دامىتۋ ءۇشىن دە ماڭىزدى»، — دەدى ا. مامين.
