عالىمدار ۇيدە 2022 - جىلعا دەيىن وتىرۋدى ۇسىندى
نۇر-سۇلتان. قازاقپارات - گارۆارد ۋنيۆەرسيتەتىنىڭ زەرتتەۋشىلەرى الەۋمەتتىك وقشاۋلانۋ 2022 -جىلعا دەيىن سوزىلۋى كەرەك دەپ سانايدى، ايتپەسە بىزدە جاڭا كوروناۆيرۋستىڭ ءورشۋى كۇتىلەدى، دەپ حابارلايدى Science.
گارۆارد زەرتتەۋشىلەرى پاندەميانىڭ دەڭگەيى قانشالىقتى جوعارلايتىنى قازىرگى ۋاقىتتا بەلگىسىز دەپ وتىر، ولار بۇل بەلگىسىزدىك ۆيرۋستىڭ ءالى زەرتتەلمەگەن قاسيەتتەرىنە بايلانىستى بولادى دەپ سانايدى. بىرىنشىدەن، ماۋسىمعا بايدانىستى بولجامدار: ۆيرۋس جىل مەزگىلىنە بايلانىستى ءار ءتۇرلى تارالا ما، جوق پا بەلگىسىز. ەكىنشىدەن، ينفەكسيادان كەيىن يممۋنيتەتتىڭ ادامداردا پايدا بولاتىن- بولمايتىندىعى دا ازىرگە بەلگىسىز.
ءبىر سەناري بويىنشا، ەگەر ءسىز وقشاۋلانۋدى توقتاتساڭىز، ۆيرۋس كۇزدە تەز تاراي باستايدى، ال قىستا ماۋسىمدىق تۇماۋمەن قاتار ءجۇرىپ، جاعدايدى ودان ءارى ۋشىقتىرادى. وسىعان بايلانىستى اۋرۋحانالار قايتادان ناۋقاستارعا تولى بولادى.
تاعى ءبىر سەناري بويىنشا ادامدار 2025 -جىلعا دەيىن COVID-19 جۇقتىرۋى مۇمكىن.
«ەگەر قارقىندى تەراپيا مۇمكىندىكتەرى جوعارىلاماسا نەمەسە ۆاكسينا شىعارىلماسا، وقشاۋلانۋ شارالارى 2022 -جىلعا دەيىن قاجەت بولۋى مۇمكىن. اۋرۋ ناقتى جويىلسا دا، كوروناۆيرۋستى ەپيدەميولوگيالىق قاداعالاۋ قاجەت، ويتكەنى ينفەكسيانىڭ تارالۋى 2024 -جىلى قايتادان باستالۋى مۇمكىن»، - دەپ بولجايدى عالىمدار.
ساراپشىلاردىڭ پىكىرىنشە، وقشاۋلاۋدى ۇزارتۋ اۋرۋحانالاردا جاتقان ناۋقاستارعا جەدەل كومەك كورسەتۋ جاعدايلارىن جاقسارتۋعا ۋاقىت بەرەدى.
بۇدان بۇرىن ا ق ش- تا كوروناۆيرۋس دياگنوزىمەن قايتىس بولعانداردىڭ سانى سوڭعى تاۋلىك ىشىندە 2228 ادامدى قۇرادى دەپ حابارلانعان بولاتىن. ال 12 - ناۋرىزدا ا ق ش پرەزيدەنتى دونالد ترامپ ەلدىڭ بارلىق ەلۋ شتاتىندا «كەڭ اۋقىمدى اپات» جاعدايىن جاريالادى. بۇل امەريكا قۇراما شتاتتارى تاريحىنداعى العاشقى وقيعا.
