كەلەسى 2022-جىلعى ازيا ويىندارى قىتايدا وتەدى
دجاكارتادا وتكەن ازيا وليمپيادا كەڭەسىنىڭ باس اسسامبلەياسىندا ازيا ويىندارىن 2022-جىلى قىتايدىڭ حانچجوۋ قالاسىندا وتكىزۋ جايى تالقىلاندى.
ق ر ۇلتتىق وليمپيادا كوميتەتىنىڭ باسپا ءسوز قىزمەتىنىڭ حابارلاۋىنشا، جاقىن ارادا حانچجوۋدا قوسىمشا تەمىرجول اشىلىپ، مەترو ستانتسيالارى كوبەيتىلەدى. مۇنىڭ ءبارى ازياداعا دايىندىق بارىسىندا ىسكە قوسىلادى.
«2022-جىلعى ازيا ويىندارى قالانىڭ جاڭا تىنىسىن اشپاق. ازيا وليمپيادا كەڭەسىمەن بىرلەسە وتىرىپ، ءبىز حانچجوۋدا تابىستى ءارى ەستەن ازيا ويىندارىن وتكىزەمىز دەپ ويلايمىن»، - دەيدى حانچجوۋ قالاسىنىڭ وكىلى.
2022-جىلى حانچجوۋدا وتەتىن ازيا ويىندارىنىڭ باعدارلاماسىنا 2020-جىلعى توكيو وليمپياداسىنداعى 33 سپورت ءتۇرى ەنەدى. سونداي-اق، 2024-جىلعى پاريج وليمپياداسىنىڭ باعدارلاماسىنا ەنەتىن التى سپورت ءتۇرى مەن جەرگىلىكتى ۇيىمداستىرۋ كوميتەتى ۇسىناتىن ەكى سپورت ءتۇرى دە ازيادا باعدارلاماسىنىڭ تىزىمىندە.
ا و ك سپورتتىق كوميتەتى حالىقارالىق ءجۇزۋ فەدەراتسياسى بەكىتكەن بارلىق باعدارلامانى ازيا ويىندارىنىڭ جارىس كەستەسىنە قوستى.
حۋانچجوۋداعى ازيا ويىندارى قىتاي تاريحىندا وتكىزىلەتىن ءۇشىنشى ازيادا بولماق. بۇعان دەيىن 1990-جىلى بەيجىڭدە، 2010-جىلى گۋانجوۋدا قۇرلىقتىڭ كىشىگىرىم وليمپياداسى وتكەن بولاتىن.
2022-جىلى حانچجوۋدا وتەتىن ازيا ويىندارىنىڭ ۇيىمداستىرۋشىلارى دجاكاراتاداعى ازيا ويىندارىنىڭ جابىلۋ سالتاناتىندا ا و ك- تىڭ تۋىن رەسمي تۇردە قابىلداپ الدى.
اۆتور: كۇنسۇلتان وتارباي
