13:49, 03 - قاڭتار 2018 | GMT +5
بەيجىڭ 2022-جىلعى وليمپياداعا ارناپ شىعارعان پوشتالىق ماركاسىن تانىستىردى
استانا. قازاقپارات - بەيجىڭ 2022-جىلعى وليمپياداعا ارناپ شىعارعان پوشتالىق ماركاسىن تانىستىردى، دەپ حابارلايدى قازاقپارات kazakh.people.com سايتىنا سىلتەمە جاساپ.
ارنايى پوشتالىق ماركانى كوپشىلىككە بەيجىڭدە 2022-جىلى وتەتىن قىسقى وليمپيادا ويىندارىن ۇيىمداستىرۋ كوميسسياسىنىڭ باس حاتشىسى حان زيرونگ پەن قىتايدىڭ ۇلتتىق پوشتا مەكەمەسى باس ديرەكتورىنىڭ ورىنباسارى لي پي جىن تانىستىردى.
ماركا بەيجىڭدە وتەتىن XXIV قىسقى وليمپيادا ويىندارى مەن پاراليمپيادا ويىندارىنا ارنالعان.
پوشتا ەكى ءتۇرلى نۇسقادا شىعارىلادى، بىرىندە قىسقى وليمپيادا بەلگىسى، ەكىنشىسىندە پاراليمپيادا لوگوتيپى بەينەلەنگەن.
اۆتور: كۇنسۇلتان وتارباي
