بەيجىڭ 2022-جىلعى قىسقى وليمپياداعا دايىندىقتى باستاپ كەتتى

استانا. قازاقپارات - قىتاي بيلىگى 2022-جىلعى XXIV قىسقى وليمپيادا ويىندارىنا دايىندىقتى باستادى، دەپ حابارلايدى قازاقپارات ءتىلشىسى.

قىتايداعى «حالىق» تورابى تاراتقان مالىمەتكە سۇيەنسەك، «بەيجىڭ قالالىق ءىرى قۇرىلىس نىساندار كەڭسەسى» قىسقى وليمپيادا ويىندارى وتەتىن ستاديونداردى قايتا كۇردەلى جوندەۋدەن وتكىزۋدى باستاعانى ايتىلعان. وعان جالپى 18 نىسان كىرگەن. ولاردىڭ قاتارىندا كونكيمەن سىرعاناۋ، تاۋ شاڭعى ورتالىعى، شانامەن سىرعانۋ ورتالىعى، تۇعىردان سەكىرۋ جانە بارلىق سپورتشىلار الدىن-الا دايىندىق جاسايتىن الاڭدار بار. سونىمەن قاتار، قىسقى وليمپيادا قالاشىعى مەن يانچيڭ قىسقى وليمپيادا اۋىلى اتتى ەكى جاڭا الاڭ سالىنباق.

«بۇگىنگى تاڭدا اتالعان قۇرىلىس نىساندارىن جوندەۋ، قالپىنا كەلتىرۋ جانە سالۋ جۇمىستارى باستالىپ كەتكەن»، - دەپ كورسەتىلگەن اقپارات كوزىندە.

ەستەرىڭىزگە سالا كەتەيىك، بەيجىڭ 2022-جىلعى XXIV قىسقى وليمپيادا ويىندارىن وتكىزۋ قۇقىعىن 2015-جىلى 31- شىلدە كۇنى جەڭىپ العان بولاتىن.

وسى ورايدا ايتا كەتەيىك، بۇل ايتۋلى دودانى وتكىزۋگە سول كەزدە ەلىمىزدىڭ الماتى قالاسى دا باستى ۇمىتكەر قالالاردىڭ ءبىرى اتاندى. وكىنىشكە قاراي، 2015-جىلى 31- شىلدەدە مالايزيانىڭ كۋالا-لۋمپۋر قالاسىندا وتكەن داۋىس بەرۋ ناتيجەسىندە الماتى بەيجىڭگە جول بەرگەن بولاتىن.

اۆتور: كۇنسۇلتان وتارباي