قازاقستان مەن رەسەيدىڭ «بايتەرەك» جوباسى اياسىندا جاڭا زىمىران 2022 -جىلى شىعارىلادى
ا. مامين 2016 -جىلعى جەلتوقساندا ق ر پرەزيدەنتى ن. نازاربايەۆتىڭ ر ف- عا جۇمىس ساپارى بارىسىندا «بايقوڭىر» كەشەنىندەگى ودان ءارى ىنتىماقتاستىق تۇجىرىمداماسىنا جانە «1995 -جىلعى 23 - جەلتوقسانداعى بايقوڭىر قالاسىنىڭ مارتەبەسى جانە ونىڭ اتقارۋشى بيلىك ورگاندارىنىڭ مارتەبەسى مەن قالىپتاستىرۋ ءتارتىبى تۋرالى مەملەكەت ارالىق كەلىسىمنىڭ ق ر مەملەكەتتىك ورگاندارىنىڭ تىزبەسى بولىگىنە وزگەرىستەر ەنگىزۋ تۋرالى» حاتتاماعا قول قويعانىن اتاپ ءوتتى.
«بۇل قۇجات ستراتەگيالىق سيپاتتا جانە ۇزاقمەرزىمدى پەرسپەكتيۆادا ءبىزدىڭ عارىش ايلاعىن بىرلەسىپ دامىتۋ جانە پايدالانۋ، ەكى ەل مۇددەسىندە جاڭا عارىش جوبالارىن ىسكە اسىرۋ، سونداي- اق بايقوڭىر قالاسىن دامىتۋ باعىتتارىن ايقىندايدى»، - دەدى ق ر پرەمەر- ءمينيسترىنىڭ ءبىرىنشى ورىنباسارى.
ۇكىمەت ارالىق كوميسسيا مۇشەلەرى بايقوڭىر كەشەنىنىڭ جۇمىس ىستەۋىنىڭ، بىرلەسكەن جوبالاردى ىسكە اسىرۋ، اتاپ ايتقاندا، «بايتەرەك» عارىش زىمىرانى كەشەنىن قۇرۋدىڭ وزەكتى ماسەلەلەرىن شەشۋدى كوزدەيتىن «بايقوڭىر» كەشەنىندەگى ودان ءارى ىنتىماقتاستىق تۇجىرىمداماسىن ىسكە اسىرۋ بارىسىن تالقىلادى.
«ءبىز «بايتەرەك» جوباسىن ىسكە اسىرۋدى جەدەلدەتۋ جانە جاڭا زىمىراندى ىسكە قوسۋ مەرزىمىن 2025-تەن 2022 -جىلعا اۋىستىرۋ بويىنشا رەسەي تاراپىنىڭ ۇسىنىسىن قولدايمىز»، - دەدى ا. مامين.
«تۇجىرىمداما سونداي- اق بايقوڭىر قالاسىنىڭ ينفراقۇرىلىمىن دامىتۋ، قولايلى الەۋمەتتىك- ەكونوميكالىق ورتا، جاڭا جۇمىس ورىندارى قۇرۋ، حالىقتى تۇرعىن ۇيمەن قامتاماسىز ەتۋ، ءتۋريزمدى جانە ت. ب. دامىتۋ بويىنشا شارالار كەشەنىن قامتيدى»، - دەدى ول.
وتىرىس بارىسىندا كەشەننىڭ پايدالانىلمايتىن نىساندارىن جالعا الۋدان شىعارۋ جانە كادەگە اسىرۋ ماسەلەلەرى قارالدى. 2016 -جىلعى 20 - جەلتوقساندا «بايقوڭىر» كەشەنىنىڭ ر ف پايدالانبايتىن نىساندارىن كادەگە اسىرۋ بويىنشا پيلوتتى جوبانى ىسكە اسىرۋ تۋرالى شەشىم قابىلدانعاندىعى اتاپ وتىلەدى. بۇدان باسقا، تاراپتار بايقوڭىر قالاسىن دامىتۋدىڭ 2017-2025 -جىلدارعا ارنالعان باعدارلاماسى جوباسىن تالقىلادى.
«ءبىز وسى باعدارلامانى ازىرلەۋگە جانە قابىلداۋعا باسا ءمان بەرەمىز. ونى ىسكە اسىرۋ ينجەنەرلىك جانە الەۋمەتتىك ينفراقۇرىلىمدى دامىتۋ، جاڭا الەۋمەتتىك، مادەني، وندىرىستىك نىسانداردى قۇرۋ ارقىلى قالانىڭ تۇراقتى جۇمىس ىستەۋىنە مۇمكىندىك بەرەدى»، - دەدى ق ر پرەمەر- ءمينيسترىنىڭ ءبىرىنشى ورىنباسارى جانە قۇجاتتى ساپالى دايىنداۋدى جانە ونى ورىنداۋدى قامتاماسىز ەتۋ قاجەتتىگىن اتاپ ءوتتى.
وسى جىلعى ءۇشىنشى توقساندا بايقوڭىر قالاسى، تورەتام جانە اقاي كەنتتەرىنىڭ تۇرعىندارىنا مەديتسينالىق قىزمەت كورسەتۋ ءتارتىبى تۋرالى ەكىجاقتى قۇجاتقا قول قويۋدى جەدەلدەتۋ شەشىمى قابىلداندى. سونداي- اق ۇ ا ك وتىرىسىندا قازاقستاندىق تاراپتىڭ قالانىڭ دامۋىن قارجىلاندىرۋ تارتىبىمەن بايلانىستى ماسەلەلەر قارالدى. وتىرىس قاتىسۋشىلارى «بايقوڭىر» عارىش ايلاعى قىزمەتىنىڭ ەكولوگيالىق قاۋىپسىزدىگى ماسەلەلەرىنە باسا نازار اۋداردى. كەلىسسوزدەر بارىسىندا ر ف ۇكىمەتى ءتوراعاسىنىڭ ورىنباسارى د. روگوزين: «ءبىزدىڭ الدىمىزدا قازاقستان مەن رەسەي اراسىنداعى عارىش سالاسىنداعى بايلانىستى ودان ءارى دامىتۋ ورتاق مىندەتى تۇر»، - دەدى.
ءوز كەزەگىندە ا. مامين «بايقوڭىر» كەشەنىنىڭ ءتيىمدى جۇمىس ىستەۋىن ۇيىمداستىرۋ بويىنشا بىرلەسكەن جۇمىس ەكى ەلدىڭ عارىش سالالارىن دامىتۋعا، بايقوڭىردى الەمدىك نارىقتا عارىش ايلاعىنىڭ زاماناۋي باسەكەگە قابىلەتتى عارىش قىزمەتى رەتىندە ساقتاۋعا باعىتتالعانىن اتاپ ءوتتى.
