قىتاي 2022 - جىلعى وليمپيادا ويىندارى ەمبلەماسىنىڭ ديزاينىنا حالىقارالىق بايقاۋ جاريالادى

استانا. قازاقپارات - قىتاي 2022 - جىلى وتەتىن وليمپيادا جانە پاراليمپيادا ويىندارىنىڭ ديزاينىنا حالىقارالىق بايقاۋ جاريالادى. بۇل جايىندا بەيجىڭدە قىسقى وليمپيادا ويىندارىن وتكىزۋ تۋرالى قابىلدانعان شەشىمنىڭ ءبىر جىلدىعىنا وراي ۇيىمداستىرىلعان شارا بارىسىندا جاريالاندى،

 دەپ حابارلايدى ت ا س س اگەنتتىگى.

بەيجىڭ ۇيىمداستىرۋشىلار كوميتەتىنىڭ مالىمدەۋىنشە، ولار ەمبلەما ديزاينى بويىنشا ۇسىنىستاردى ادامنىڭ ۇلتىنا، جىنىسىنا، ماماندىعىنا جانە جاسىنا قاراماستان قاراپ كورۋگە دايىن. مۇنداي ۇسىنىستاردى 2016 -جىلدىڭ جەلتوقسانىنا دەيىن جىبەرۋگە بولادى.

2022 - جىلى وتەتىن وليمپيادا جانە پاراليمپيادا ويىندارىنىڭ رەسمي سايتى دا كوپشىلىككە ءمالىم بولدى - www.beijing-2022.cn جانە جەكسەنبىدەن باستاپ، سايت ءوز جۇمىسىن باستاپ كەتتى.

ايتا كەتەيىك، 2015 - جىلدىڭ 31 - شىلدەسىندە 2022 - جىلى وليمپيادا ويىندارى وتەتىن قالا انىقتالدى. قىسقى وليمپيادا ويىندارىن قابىلداۋعا الماتى مەن بەيجىڭ قالاسى تالاسقان ەدى، داۋىس بەرۋ ناتيجەسى بويىنشا، قىتاي استاناسى جەڭىسكە جەتتى.