09:31, 16 - ماۋسىم 2015 | GMT +5
الماتىدا 2022-جىلعى قىسقى وليمپيادانى وتكىزۋگە قوناق ءۇي جەتكىلىكسىز
استانا. قازاقپارات - 2022-جىلى الماتىدا وتەتىن قىسقى وليمپيادا كەزىندە قوناق ءۇي جەتىسپەۋشىلىگى كەدەرگى بولۋى مۇمكىن. بۇل جايىندا حالىقارالىق وليمپيادا كوميتەتىنىڭ مۇشەسى حۋان انتونيو سامارانچ مالىمدەدى.
ونىڭ ايتۋىنشا، 2022-جىلعى قىسقى جاھاندىق ويىنداردى وتكىزۋگە ۇمىتكەر ەكى شاھار الماتى مەن بەيجىڭگە ءبىرقاتار ماسەلەنى شەشۋگە تۋرا كەلەدى.
ماسەلەن، قىتاي استاناسىندا قار جەتىسپەۋشىلىگى ماماندار تاراپىنان الاڭداۋشىلىق تۋدىرۋدا. ال الماتى قوناق ۇيلەردىڭ ازدىعىنان مەيمانداردى ورنالاستىرۋعا دايىن ەمەس كورىنەدى.
حالىقارالىق وليمپيادا كوميتەتى 31- شىلدەدە 2022-جىلعى ويىنداردىڭ يەسىن انىقتايتىن قورىتىندى داۋىس بەرۋگە دەيىن اتالعان كەمشىلىكتى شەشۋ جولدارىن ۇسىنۋعا كەڭەس بەردى.
Baq.kz
