قىسقى پاراليمپيادا-2022: الەكساندر گەرليتس مارەگە 8-بولىپ كەلدى

نۇر-سۇلتان. قازاقپارات - بەيجىڭدە ءوتىپ جاتقان 2022 -جىلعى پاراليمپيادا ويىندارىندا قازاقستاندىق الەكساندر گەرليتس بياتلوننان تۇرەگەپ جارىسۋ سايىسىنا قاتىستى، دەپ حابارلايدى قازاقپارات ءتىلشىسى.

باسەكە ناتيجەسىندە ۋكراينالىق گريگوري ۆوۆچينسكي مارە سىزىعىن ءبىرىنشى بولىپ قيدى.

ەكىنشى ورىن گەرمانيالىق ماركو مايەرگە بۇيىرسا، ۇزدىك ۇشتىكتى كانادالىق مارك ارەندز تۇيىندەدى. ال قازاقستاندىق سپورتشى مارەگە سەگىزىنشى بولىپ كەلدى. كورسەتكىشى - 18:40.3.

ونىڭ جارىس جەڭىمپازىنان قالىپ قويعان كورسەتكىشى - 2:22.7 + . ەندى قازاقستاندىق سپورتشىلار 6، 8، 11، 12، 13-ناۋرىز كۇندەرى ايتۋلى الاماندا باق سىنايدى.

ەسكە سالساق، XIII قىسقى پاراليمپيادا ويىندارىندا قازاقستان نامىسىن سەرگەي ۋسولتسەۆ، الەكساندر گەرليتس، ەربول حاميتوۆ، دەنيس پەترەنكو مەن يۋري بەرەزين قورعايدى.