الماتىدا وليمپيادا-2022 وتكىزۋگە قاجەتتى سپورت كەشەندەرىنىڭ 60 پايىزى بار - ب. ساپاربايەۆ

استانا. قازاقپارات - الماتىدا 2022 - جىلعى قىسقى وليمپيادانى وتكىزۋگە ءۇشىن قاجەت سپورت كەشەندەرىنىڭ 60 پايىزى بار. بۇل تۋرالى بۇگىن ق ر پرەمەر- ءمينيسترىنىڭ ورىنباسارى بەردىبەك ساپاربايەۆ ءمالىم ەتتى.

 «ءبىز ۇمىتكەر رەتىندە وليمپيادا-2022 شاراسىنا دايىندىقتى توقتاتقان جوقپىز. حالىقارالىق وليمپيادا كوميتەتىنىڭ شەشىمىن بيىل شىلدە ايىندا كۇتەمىز. ەگەر ولار قازاقستاندى تاڭداسا، قازىردىڭ وزىندە بىزدە وليمپيادا دودالارى وتەتىن سپورتتىق كەشەندەردىڭ 60 پايىزى بار. قالعاندارىن سول ۋاقىتتىڭ ىشىندە سالىپ تاستاۋعا بولادى»، - دەدى ول سپورت قاۋىمداستىعىنىڭ فورۋمىندا.

فورۋمعا ق ر مادەنيەت جانە سپورت، ءبىلىم جانە عىلىم مينيسترلىكتەرىنىڭ وكىلدەرى، قوعام قايراتكەرلەرى، سپورت ارداگەرلەرى، تانىمال سپورتشىلار، 2015 - جىلعى قىسقى ۋنيۆەرسيادانىڭ جەڭىمپازدارى قاتىستى.

 اۆتور: جاسۇلان جولدىبايەۆ