ب ا ق: كاتار 2022 - جىلعى الەم چەمپيوناتىن وتكىزۋ قۇقىعىن 5 ميلليون دوللارعا ساتىپ الدى
بۇل تۋرالى Lenta.ru حابارلادى.
بريتانيالىق باسىلىمنىڭ اقپاراتى بين حاممامنىڭ ەلەكتروندى حاتتارى، قۇجاتتارى مەن بانكتىك ەسەپشوتتارىنا نەگىزدەلگەن.
ول سايلاۋعا قاتىساتىن ف ي ف ا- نىڭ اتقارۋ كوميتەتىندەگى 30 افريكالىق ۇلتتىق فۋتبول قاۋىمداستىقتارىنا 200 مىڭ دوللارعا دەيىن قارجى تولەگەن. ول سونىمەن بىرگە سايلاۋعا قاتىسى بار ادامدارعا اقشا تاراتىپ، سالتاناتتى قابىلداۋلار وتكىزگەن.
بين حاممامنىڭ ءوزى اتقارۋ كوميتەتىنىڭ مۇشەسى بولدى. 2010 - جىلدىڭ جەلتوقسانىندا ول 2018 جانە 2022 - جىلدارى وتەتىن چەمپيونات يەلەرىن انىقتاۋعا قاتىسقان ەدى. ءبىر جىلدان كەيىن ول ۇيىم پرەزيدەنتىن سايلاۋدا ساتىپ الۋعا قاتىسى بولعاندىقتان ف ي ف ا- دان شىعارىلدى.
بين حاممامنىڭ ۇلى حاماد ءال- ابدۋللا تۇسىنىكتەمە بەرۋدەن باس تارتتى.
وسىعان دەيىن ف ي ف ا پرەزيدەنتى يوزەف بلاتتەر كاتاردىڭ 2022 - جىلعى الەم چەمپيوناتىن وتكىزۋ ورنى ەتىپ تاڭدالۋى قاتەلىك بولعانىن مويىنداعان بولاتىن.
