بەيجىڭ-2022: ءبىر ءوزى 4 التىن مەدال ەنشىلەگەن بياتلونشى كىم

نۇر-سۇلتان. قازاقپارات - بەيجىڭ قالاسىندا ءوتىپ جاتقان قىسقى وليمپيادا ويىندارىندا نورۆەگيالىق بياتلونشى ءبىر ءوزى ءتورت التىن مەدال جەڭىپ الدى، دەپ حابارلايدى قازاقپارات ءتىلشىسى.

بۇگىن نورۆەگيالىق بياتلونشى يوحاننەس بە قىتاي استاناسى بەيجىڭدەگى وليمپيادادا ماسس-ستارت جارىسىندا توپ جاردى. ول 15 شاقىرىمدى 38 مينۋت، 14,14 سەكۋندتا جۇگىرىپ ءوتتى.

بۇل ونىڭ بەيجىڭ وليمپيادا ويىندارىنداعى ءتورتىنشى التىن مەدالى.

ول وسىعان دەيىن ارالاس ەستافەتا، سپرينت جانە جەكەلەي جارىستا باس جۇلدەنى جەڭىپ العان بولاتىن. سونداي-اق، وسىدان تۋرا 4 جىل بۇرىن پحەنچحان وليمپياداسىندا دا بياتلوننان 20 شاقىرىمدىق جەكەلەي سىندا توپ جارىپ، تاعى دا چەمپيون اتانعان ەدى.

وسىلايشا ول قىسقى وليمپيادا ويىندارىنىڭ 5 دۇركىن چەمپيونى دەگەن اتاققا قول جەتكىزدى. بەس التىننان بولەك قورجىنىندا وليمپيادا ويىندارىنىڭ 2 كۇمىس، 1 قولا مەدالى بار.

تاعى ءبىر ايتا كەتەرلىگى، يوحاننەس بەنىڭ تاردجەي ەسىمدى تۋعان ءىنىسى دە وليمپيادا ويىندارىندا سىنعا ءتۇسىپ جاتىر.

ونىڭ ەنشىسىندە 3 التىن، 2 كۇمىس، 1 قولا مەدال بار. وسىلايشا ءبىر وتباسىنىڭ مۇشەلەرى وليمپيادا ويىندارىنىڭ 14 مەدالىن ەنشىلەگەن.

اۆتور: كۇنسۇلتان وتارباي