بەيجىڭ-2022: قازاقستاندىق شاڭعىشى مارەنى 43-بولىپ كەسىپ ءوتتى

نۇر-سۇلتان. قازاقپارات - بۇگىن بەيجىڭ وليمپياداسىندا ەرلەر اراسىندا تاۋ شاڭعىسىنان جارىستار باستالدى، دەپ حابارلايدى قازاقپارات ءتىلشىسى.

اتالعان سىندا ەل نامىسىن زاحار كۋچين قورعادى. ول جارىس قورىتىندىسى بويىنشا مارە سىزىعىن 1:03,68 كورسەتكىشىمەن 43- بولىپ كەستى. قازاقستاندىق اتالعان جارىس تۇرىنەن ءبىرىنشى ورىنعا يە بولعان اۆستريالىق يوحاننەس شترولتستان 9.76 مينۋتقا كەشىگىپ كەلدى.

ەستەرىڭىزگە سالا كەتەيىك، وسىعان دەيىن كۋچين تاۋ شاڭعىسىنان الىپ سلالوم بويىنشا ءبىرىنشى كەزەڭدە مارەگە جەتە الماي جارىس جولىنان شىعىپ قالعان بولاتىن. بۇل ونىڭ بەيجىڭ وليمپياداسىنداعى سوڭعى جارىسى. ەندى، ەكىنشى ىرىكتەۋ كەزەڭى نۇر-سۇلتان ۋاقىتىمەن 11:45-تە باستالادى.

ايتا كەتەسەك، اتالعان اق وليمپيادا ويىندارىندا ەلىمىزدىڭ نامىسىن 8 سپورت تۇرىنەن 34 سپورتشى قورعاپ جاتىر. بەيجىڭ وليمپياداسى 20-اقپاندا مارەسىنە جەتەدى.

فوتو: سالي سابيروۆ، قازاقستان ۇ و ك

اۆتور: كۇنسۇلتان وتارباي