بەيجىڭ-2022: قازاقستاندىق كونكيشى وليمپيادانى 18-ورىنمەن اياقتادى

بەيجىڭ. قازاقپارات - بەيجىڭدە ءوتىپ جاتقان قىسقى وليمپيادا ويىندارىندا 1500 مەترگە كونكيمەن جۇگىرۋدەن ەرلەر اراسىنداعى جەڭىمپاز بەن جۇلدەگەرلەر انىقتالدى، دەپ حابارلايدى قازاقپارات ءتىلشىسى.

اتالعان جارىستا قازاقستان اتىنان دميتري موروزوۆ ەل نامىسىن قورعادى. الايدا ول جەڭىمپازدان 3.80 سەكۋندقا ۇتىلىپ، بەيجىڭ وليمپياداسىن 18-ورىنمەن اياقتادى.

1500 مەترگە كونكيمەن جۇگىرۋدەن وليمپيادا رەكوردىن ورناتقان نيدەرلاندىلىق كەلد نەيس باس جۇلدەنى قانجىعاسىنا بايلادى. ەكىنشى ورىندى دا نيدەرلاندىلىق كونكيشى توماس كرول جەڭىپ الىپ، كۇمىس جۇلدەگەر اتاندى. ۇزدىك ۇشتىكتى وڭتۇستىك كورەيا اتلەتى كيم مين سوك تۇيىندەدى.

ەسكە سالا كەتەيىك، وليمپيادا ويىندارىندا سپورتتىڭ جەتى تۇرىنەن 109 مەدال جيىنتىعى ساراپقا سالىنادى.

XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسۋدا. ولار 87 جولداما جەڭىپ الدى.

قازاقستاندىقتار شاڭعى جارىسى، فريستايل، اكروباتيكا جانە موگۋل، كونكيمەن جۇگىرۋ، شورت- ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا ءتۇسىپ جاتىر.

اۆتور: كۇنسۇلتان وتارباي