ق ر ب ع م ۆيتسە-ءمينيسترى: 2022 -جىلعا قاراي 12 جىلدىق ءبىلىم بەرۋگە كوشۋ تولىقتاي اياقتالاتىن بولادى

استانا. قازاقپارات - بۇگىندە ەلباسى نۇرسۇلتان نازاربايەۆ ايقىنداعان «بەس ينستيتۋتسيونالدىق رەفورما - «100 ناقتى قادام» ۇلت جوسپارى» اياسىندا ءتيىستى جۇمىستار اتقارىلىپ جاتقاندىعى ءمالىم.
None
None

وسى ورايدا ءار ۆەدومستۆو وزدەرىنە جۇكتەلگەن مىندەتتەر بويىنشا شارالاردى اتقارۋدا. بۇل رەتتە «100 ناقتى قادام» بويىنشا ءبىلىم سالاسىندا الداعى اتقاراتىن جۇمىستار تۋرالى كەڭىرەك مالىمەت الۋ ماقساتىندا ءبىلىم جانە عىلىم ۆيتسە- ءمينيسترى ەسەنعازى نۇرتولەۋ ۇلى يمانعاليەۆتەن سۇحبات الۋدى ءجون كوردىك.

- ەسەنعازى نۇرتولەۋ ۇلى، ەلباسى ايقىنداعان «100 ناقتى قادام» ۇلت جوسپارى كەمەلدەنگەن قازاقستاندى كوز الدىمىزعا اكەلەرى ءسوزسىز. دەگەنمەن، كەمەل كوكجيەككە كەلەلى ءبىلىمسىز جەتۋ ەش مۇمكىن ەمەس. سوندىقتان دا، ءبىلىم جانە عىلىم مينيسترلىگى پرەزيدەنت تاپسىرماسىن ورىنداۋ ماقساتىندا الدا قانداي جوسپارلار قۇرىپ وتىر؟ بولىسسەڭىز؟

- وزدەرىڭىزگە بەلگىلى، ەلىمىزدە مەملەكەت باسشىسىنىڭ بەس ينستيتۋتسيونالدىق رەفورماسى اياسىنداعى 100 ناقتى قادام ۇلت جوسپارى ىسكە اسىرىلۋدا. ءبىلىم جانە عىلىم مينيسترلىگى وسى جوسپاردىڭ ءبىلىم مەن عىلىم سالاسىن ءارى قاراي دامىتۋعا باعىتتالعان 7 قادامىن ىسكە اسىرۋ بويىنشا ۇسىنىستار ازىرلەپ، ۇلتتىق جاڭعىرتۋ جونىندەگى كوميسسيانىڭ قاراۋىنا ەنگىزدى. جالپى العاندا، ۇلتتىق كوميسسيا اتالعان ۇسىنىستاردى ماقۇلدادى. وسى 7 قادامدى ىسكە اسىرۋعا توقتالىپ وتەيىن. ونىڭ 5 قادامى ءبىلىم سالاسى بويىنشا جانە 2 قادامى عىلىم سالاسىنا قاتىستى.

بىرىنشىدەن، اتالعان جوسپاردىڭ 76-قادامى 12 جىلدىق بىلىمگە كەزەڭ- كەزەڭىمەن ءوتۋدى، جانباسىلىق قارجىلاندىرۋدى، تابىستى مەكتەپتەردى ىنتالاندىرۋ تەتىكتەرىن ەنگىزۋ جانە پەداگوگيكالىق ءبىلىمدى جاڭعىرتۋدى كوزدەيدى. قادام اياسىندا ورتا ءبىلىمنىڭ جاڭا مازمۇنىن ازىرلەۋ جانە ەندىرۋ جوسپارلانۋدا. جاڭارتىلعان ستاندارتتاردى اپروباتسيالاۋ جاڭا وقۋ جىلىنان باستالاتىن بولادى. سونىمەن قاتار شاعىن جيناقتى مەكتەپتەردىڭ ماسەلەلەرى دە شەشىلەتىن بولادى. وسى رەتتە، 19,6 مىڭ جوعارى سىنىپ وقۋشىلارىن تولىق جيناقتالعان مەكتەپتەرگە اۋىستىرۋ، ءىرى اۋدان ورتالىقتارىندا 350 ينتەرناتتى قايتا جوندەۋ جانە 64 جوعارى مەكتەپ قۇرىلىسىن جۇرگىزۋ جوسپارلانۋدا. تىرەك ورتالىقتارىنىڭ سانى 200 بىرلىككە جەتەتىن بولادى.

12 جىلدىق بىلىمگە ءوتۋ شارالارى دۇنيەجۇزىلىك بانكتىڭ بىرلەسكەن جوباسى شەڭبەرىندە جۇزەگە اسىرىلماق.

پەداگوگيكالىق ءبىلىمدى جاڭعىرتۋ ءۇشىن ءمۇعالىمنىڭ كاسىبي ستاندارتى جانە 46 جاڭا باكالاۆريات/ماگيستراتۋرا ءبىلىم باعدارلامالارى ازىرلەنەتىن بولادى. 15 بازالىق پەداگوگيكالىق جوعارى وقۋ ورىندارى ىرىكتەلىنەدى. پەداگوگيكالىق جوعارى وقۋ ورىندارىنىڭ 4 مىڭ وقىتۋشىسى جاڭا فورماتتاعى مۇعالىمدەردى وقىتۋ ءۇشىن دايارلىقتان وتەدى.

پەداگوگيكالىق ماماندىقتار بويىنشا مەملەكەتتىك تاپسىرىستى ارتتىرۋ، وسى باعىتتا وقيتىن ستۋدەنتتەردىڭ شاكىرتاقىلارىنا ۇستەماقى بەلگىلەۋ، پەداگوگيكالىق جوعارى وقۋ ورىندارىنا قابىلداۋدىڭ جاڭا ەرەجەلەرىن ەندىرۋ جانە كاسىپكە كىرىسۋ بارىسىندا تاۋەلسىز سەرتيفيكاتتاۋ جوسپارلانۋدا.

ال جانباسىلىق قارجىلاندىرۋعا ءوتۋ ءۇشىن 126 قاناتقاقتى مەكتەپتە اپروباتسيا جۇرگىزۋ ۇسىنىلادى (بۇل 5 وبلىستاعى قازىرگى كەزدە قاناتقاقتى جوبا جۇرگىزىلىپ وتىرعان 63 مەكتەپ جانە 63 جاڭا مەكتەپ: قاراعاندىدا - 44, تۇركىستاندا - 19). 4 مىڭ مەكتەپ باسشىلارى جانباسىلىق قارجىلاندىرۋ جانە بيۋدجەتتىك جوسپارلاۋ مەنەدجمەنتىنە وقىتىلاتىن بولادى. اتالعان جوبا شەڭبەرىندە مەكتەپتەردى ىنتالاندىرۋ جۇيەسى قاراستىرىلادى. ساپا ءوسىمى كورسەتكىشتەرى مەن ناتيجەلىلىك بويىنشا باعالاۋ كريتەرييلەرى، ءاربىر وبلىستا مەكتەپتەردى كونكۋرستىق ىرىكتەۋ تەتىكتەرى ازىرلەنەدى. بۇل جۇمىستار «نۇرلى بولاشاق» ۇلتتىق جوباسىن ازىرلەۋ جانە ىسكە اسىرۋدى كوزدەيتىن 89-قاداممەن تىعىز بايلانىستى. ماقسات - ماڭگىلىك ەل قۇندىلىقتارىن قازىر مەكتەپتە قولدانىلىپ وتىرعان وقۋ باعدارلامالارىنا ەندىرۋ.

«ماڭگىلىك ەل» قۇندىلىقتارىن ەسكەرە وتىرىپ، تاربيە جۇمىسىنىڭ ءبىرىڭعاي تۇجىرىمداماسىن ءبىلىم بەرۋدىڭ بارلىق دەڭگەيلەرىندە ىسكە اسىرۋ، ادىستەمەلىك قۇرالداردى ازىرلەۋ، پەداگوگتاردىڭ بىلىكتىلىگىن ارتتىرۋدى ۇيىمداستىرۋ جوسپارلانۋدا.

كەلەسى، 77-قادام - ەكونوميكانىڭ 6 نەگىزگى سالاسى بويىنشا 10 بازالىق كوللەدجدە جانە 10 بازالىق جوعارى وقۋ ورنىندا بىلىكتى كادرلاردى دايارلاۋ جانە ولاردىڭ تاجىريبەسىن باسقا وقۋ ورىندارىنا تاراتۋدى كوزدەيدى. قادامدى ىسكە اسىرۋ ءۇشىن يندۋستريالاندىرۋ باعدارلاماسى اياسىندا كادرلار دايارلاۋ ءۇشىن 10 جوعارى وقۋ ورنى مەن 10 كوللەدج انىقتالدى. ودان باسقا، جاڭا باعدارلامالار ازىرلەۋ جوسپارلانۋدا، سونداي- اق وندىرىستەن 2 مىڭنان اسا ماماندار جوعارى وقۋ ورىندارى مەن كوللەدجدەرگە شاقىرىلاتىن بولادى، «نۇرلى جول» باعدارلاماسى اياسىندا جوعارى وقۋ ورىندارى ءۇشىن 24 زەرتحانا، كوللەدجەر ءۇشىن 57 زەرتحانا جابدىقتاۋ جوسپارلانۋدا.

ءتورتىنشى - 78-قادام - نازاربايەۆ ۋنيۆەرسيتەتىنىڭ تاجىريبەسىن ەسكەرە وتىرىپ، جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەزەڭ- كەزەڭمەن كەڭەيتۋ. حالىقارالىق تاجىريبەگە سايكەس، جەكەمەنشىك جوعارى وقۋ ورىندارىن كوممەرتسيالىق ەمەس ۇيىمدارعا ترانسفورماتسيالاۋ. قازىرگى ۋاقىتتا 9 جوعارى وقۋ ورىندارىندا بايقاۋ كەڭەستەرى، 62 جوعارى وقۋ ورىندارىندا قامقورشىلىق كەڭەستەرى قىزمەت ەتەدى. جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ ءۇشىن مەملەكەتتىك جوعارى وقۋ ورىندارىنىڭ جاڭا ۇيىمداستىرۋ- قۇقىقتىق نىسانى بولىپ %100 مەملەكەتتىڭ قاتىسۋىمەن كوممەرتسيالىق ەمەس اكتسيونەرلىك قوعام بەكىتىلەتىن بولادى. دەربەستىك الا وتىرىپ، رەكتورلار قوعام الدىندا جىل سايىن ەسەپ بەرەتىن بولادى.

جەكەمەنشىك جوعارى وقۋ ورىندارىن ترانسفورماتسيالاۋ ءۇشىن مەملەكەتتىك تاپسىرىس ءبولۋ، عىلىمدى گرانتتىق قارجىلاندىرۋ، سالىقتىق جەڭىلدىكتەر بەرۋ، بايقاۋ كەڭەستەرىن قۇرۋدى قاراستىراتىن جاڭا قۇقىقتىق- ۇيىمداستىرۋ نىسانىنا ءوتۋ، جىل سايىن اشىق ەسەپ بەرۋ جانە قارجىلىق قىزمەتتەرگە اۋديت جۇرگىزۋ جوسپارلانۋدا.

بەسىنشى - 79-قادام، ءبىلىم جۇيەسىندە - جوعارى سىنىپتاردا جانە جوعارى وقۋ ورىندارىندا اعىلشىن تىلىندە وقىتۋعا كەزەڭ- كەزەڭىمەن ءوتۋ. مۇنداعى باستى ماقسات - دايارلانعان كادرلاردىڭ باسەكەلەستىك قابىلەتىن ارتتىرۋ جانە ءبىلىم سەكتورىنىڭ ەكسپورتتىق الەۋەتىنىڭ ارتۋى. مينيسترلىك ءۇشتىلدى دامىتۋ بويىنشا جوبانى ىسكە اسىرۋ جۇمىستارىن جۇرگىزۋدە.

وسى قادامدى ىسكە اسىرۋ ءۇشىن ءتيىستى نورماتيۆتىك- قۇقىقتىق اكتىلەرگە ءتيىستى وزگەرىستەر مەن تولىقتىرۋلار ەنگىزۋ، ءبىلىم بەرۋ ۇيىمدارىن اعىلشىن تىلىندەگى ماماندارمەن قامتاماسىز ەتۋ ءۇشىن «بولاشاق» باعدارلاماسى تۇلەكتەرىنىڭ الەۋەتىن پايدالانۋ، تىلدىك پاندەر بويىنشا دەڭگەيلىك باعدارلامالاردى ازىرلەۋ جوسپارلانۋدا.

ال ەندى كەلەسى ەكى قادام عىلىم سالاسىنا قاتىستى. ءبىرىنشى - 63-قادام - ەكى يننوۆاتسيالىق كلاستەردى دامىتۋ عىلىمي اۋقىمدى ەكونوميكانى قالىپتاستىرۋ نەگىزى رەتىندە. ترانسۇلتتىق كومپانيالاردىڭ، وتاندىق كومپانيالاردىڭ، شاعىن جانە ورتا يننوۆاتسيالىق بيزنەستەردىڭ زەرتتەۋشى قۇرىلىمدارىن تارتۋ جولىمەن «Astana Business Campus»، يننوۆاتسيالىق تەحنولوگيالار پاركىندە - ترانسۇلتتىق كومپانيالار مەن وڭىرلىك ستارتاپ- حابتىڭ قاتىسۋىمەن 5 تەحنولوگيالىق دامۋ ورتالىعىن قۇرۋ قاراستىرىلعان.

كەلەسى - 64 قادام - «عىلىمي قىزمەتتەر ناتيجەلەرىن كوممەرتسيالاندىرۋ تۋرالى» ق ر زاڭىن ازىرلەۋ. عىلىمي گرانتتار مەن باعدارلامالاردىڭ قۇرىلىمىن يندۋستريالاندىرۋ باعدارلاماسى قاجەتتىلىگىنە قايتا باعدارلاۋ. وسى قادامدى ىسكە اسىرۋ ءۇشىن «عىلىمي قىزمەتتەر ناتيجەلەرىن كوممەرتسيالاندىرۋ تۋرالى» زاڭ جوباسى ازىرلەنىپ، ۇكىمەتتىڭ قاراۋىنا ەنگىزىلدى.

- 76-قادام بويىنشا 12 جىلدىق ءبىلىم بەرۋدى كەزەڭ- كەزەڭىمەن ەنگىزۋ ماسەلەسى جۇكتەلگەنى بەلگىلى. بۇل جۇيە ءبىراز جىلداردان بەرى ايتىلىپ، تاجىريبە جۇزىندە سىناقتان ءوتىپ كەلە جاتقان، دەسە دە جولى بولا الماي تۇرعان ءبىلىم سالاسىنىڭ ءبىر باعىتى. دەگەنمەن، بۇگىنگى ون ەكى جىلدىق كەزەڭگە قاتىستى قانداي جوسپارلار بار؟ بۇل جۇيەنىڭ ناقتى ەنەتىن مەرزىمى ايقىندالدى ما؟ الدە بۇعان ءالى دە الەمدىك داعدارىس دەس بەرمەي تۇر ما؟

- 12 جىلدىق ءبىلىم بەرۋ مودەلىنە كوشۋ الەمدىك ءبىلىم بەرۋ كەڭىستىگىمەن كىرىكتىرىلۋدەگى ەڭ ءبىر ستراتەگيالىق ماسەلەلەردىڭ ءبىرى بولىپ تابىلادى.

ەلباسىنىڭ 2014 -جىلعى 18 -قاڭتارداعى قازاقستان حالقىنا جولداۋىندا جالپى ءبىلىم بەرەتىن مەكتەپتەردى دامىتۋ ءۇشىن نازاربايەۆ زياتكەرلىك مەكتەپتەرىنىڭ تاجىريبەسىن پايدالانۋ تاپسىرماسى بەرىلگەن بولاتىن.

تاپسىرمانى ورىنداۋ ءۇشىن مەكتەپكە دەيىنگى، نەگىزگى ورتا، جالپى ورتا ءبىلىم بەرۋ ستاندارتتارىنا تالداۋ جاسالدى. ورتا ءبىلىم قۇرىلىمى انىقتالدى: 1+11. جاڭا ستاندارتتار ازىرلەندى. جاڭا ستاندارتتاردا تاربيەلىك كومپونەنت كۇشەيتىلگەن. «ماڭگىلىك ەل» جالپىۇلتتىق يدەياسىنىڭ: پاتريوتتىق جانە ازاماتتىق جاۋاپكەرشىلىك، ادامگەرشىلىك، ەڭبەك جانە شىعارماشىلىق قۇندىلىقتارى بەرىلگەن. فۋنكتسيونالدىق ساۋاتتىلىقتى دامىتۋعا اسا ءمان بەرىلگەن. 2015-2016 وقۋ جىلىنىڭ 1 -قىركۇيەگىنەن باستاپ بارلىق ءوڭىردىڭ 30 قاناتقاتقى مەكتەبىندە جاڭارتىلعان ءبىلىم بەرۋ مازمۇنىنىڭ وقۋ باعدارلامالارىن جانە وقۋلىقتارىن، سونىمەن قاتار ءبىلىم الۋشىلاردىڭ وقۋ جەتىستىگىن كريتەريالدى باعالاۋ جۇيەسىن سىنىقتان وتكىزۋ باستالادى. 2022 -جىلعا قاراي 12 جىلدىق ءبىلىم بەرۋگە كوشۋ تولىقتاي اياقتالاتىن بولادى.

- پرەزيدەنت ءدال وسى 76-قادامدا فۋنكتسيالىق ساۋاتتىلىقتى دامىتۋ ءۇشىن مەكتەپتەگى وقىتۋ ستاندارتتارىن جاڭارتۋدى، جوعارى سىنىپتاردا جانباسىلىق قارجىلاندىرۋدى ەنگىزۋدى تاپسىردى. بۇل باعىتتا قوعامدى نەندەي جاڭالىقتار كۇتىپ تۇر؟

- ورتا ءبىلىم بەرۋدى قارجىلاندىرۋدىڭ جاڭا مەحانيزمىن جەتىلدىرۋ ماقساتىندا جالپى ورتا ءبىلىم بەرۋ دەڭگەيىن جان باسىنا شاققاندا قارجىلاندىرۋدى سىناقتان وتكىزۋ 2013 -جىلعى 1 -قىركۇيەكتەن باستاپ رەسپۋبليكانىڭ 5 وبلىسىندا (اقمولا، اقتوبە، الماتى، شىعىس قازاقستان جانە وڭتۇستىك قازاقستان وبلىستارى) 63 قاناتقاقتى مەكتەپتە جۇزەگە اسىرىلۋدا. جان باسىنا قارجىلاندىرۋدى سىناقتان وتكىزۋدىڭ 2013-2014 وقۋ جىلىنىڭ ارالىق ناتيجەلەرىنەن قاناتقاقتى مەكتەپتەردىڭ ءبىلىم بەرۋ قىزمەتتەرىنىڭ ساپاسىن سيپاتتايتىن نەگىزگى كورسەتكىشتەرى بويىنشا وڭ سەرپىن بايقالادى. بۇل قارجىلاندىرۋ ۇستانىمىنىڭ وزگەرۋى مەن ءبىلىم بەرۋ دەڭگەيىن ارتتىرۋدىڭ اراسىنداعى ءوزارا تىكەلەي بايلانىس تۋرالى قورىتىندى جاساۋعا بولادى.

سونىمەن قاتار، جان باسىنا قارجىلاندىرۋدى ەنگىزۋدىڭ باستى ماقساتى «اقشا وقۋشىنىڭ سوڭىنان بارادى» پرينتسيپى بويىنشا مەكتەپتەر اراسىنداعى وقۋشىلار ءۇشىن باسەكەلەستىكتى دامىتۋ بولىپ تابىلادى. سىناقتى وتكىزۋ بارىسىندا بۇل ءپرينتسيپتى ىسكە اسىرۋ قيىنداتىلعانى انىقتالدى، ويتكەنى ءبىلىم بەرۋ ۇيىمدارىنا وقۋعا قابىلداۋدىڭ ۇلگىلىك قاعيدالارىنا (19.01.2012ج. № 127 ق ر ءۇ ق) سايكەس 1-9 -سىنىپتارعا وقۋشىلاردى قابىلداۋ اۋماقتىق پرينتسيپ بويىنشا جۇزەگە اسىرىلادى جانە 10-11 سىنىپ وقۋشىلارى عانا وقۋ ءۇشىن كەز كەلگەن مەكتەپتى تاڭداۋ قۇقىعىنا يە. وسىعان بايلانىستى، 2015 -جىلعا ارنالعان رەسپۋبليكالىق بيۋدجەتتى ق ر ۇكىمەتىندە تالقىلاۋدىڭ قورىتىندىسى بويىنشا جان باسىنا قارجىلاندىرۋدى سىناقتان وتكىزۋدى 2015 -جىلدىڭ باسىنان باستاپ تەك جوعارىدا كورسەتىلگەن 5 وڭىردەگى 10-11 سىنىپتاردا جالعاستىرۋ تۋرالى شەشىم قابىلداندى.

بۇدان باسقا، 2016 -جىلعى 1 -قاڭتاردان باستاپ سىناققا قوسىمشا تاعى 63 پيلوتتىق مەكتەپتەگى 10-11 -سىنىپتار جانە (قاراعاندى ق. 44 مەكتەپ جانە تۇركىستان ق. № 19 مەكتەپ) قوسىلادى. وسىلايشا، 2016 -جىلعى 1 -قاڭتاردا جان باسىنا قارجىلاندىرۋدى سىناقتان وتكىزۋ رەسپۋبليكا بويىنشا 126 مەكتەپتەگى 10-11 -سىنىپتاردا جۇزەگە اسىرىلاتىن بولادى.

- ەندىگى ءبىر وزەكتى ماسەلە - كادر دايارلاۋ. يندۋستريالاندىرۋ ساياساتىن ەلدىڭ بىلىكتى كادرلارىمەن قامتاماسىز ەتۋ ءۇشىن دە، ەرتەڭگى كۇنى باسقا جۇرتپەن باسەكەلەسە الاتىن ۇرپاق ءوسىرۋ ءۇشىن دە بىلىمنەن باستالاتىن نەگىز مىقتى بولۋى شارت. وسى جاعىنا قانشالىقتى كوڭىل بولىنۋدە؟ جالپى جوو- لارداعى جۇيە ەلىمىزدىڭ ەڭبەك نارىعىنداعى جاعدايمەن، بولجامدارمەن قانشالىقتى سايكەسەدى؟

- «نۇرلى جول» جاڭا ەكونوميكالىق ساياساتىن جانە قازاقستان رەسپۋبليكاسىن يندۋستريالىق- يننوۆاتسيالىق دامىتۋدىڭ 2015-2019 -جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا بازالىق جوعارى وقۋ ورىندارىنىڭ جانە كوللەدجدەردىڭ دامۋ باعدارلاماسى ازىرلەندى. اتالعان باعدارلاماعا سايكەس، بۇگىنگى تاڭدا شەتەلدىك ارىپتەس جوعارى وقۋ ورىندارىن تارتۋ ارقىلى ازىرلەنگەن جانە ييدمب-2 ناقتى جوبالارىمەن بايلانىستى بولاتىن 24 جاڭا ءبىلىم بەرۋ باعدارلامالارى بەكىتىلدى. 2015-2016 وقۋ جىلىنان باستاپ بازالىق جوو- لاردا وسى ءبىلىم بەرۋ باعدارلامالارى بويىنشا كادرلار دايارلاناتىن بولادى.

جاڭا ءبىلىم بەرۋ باعدارلامالارىن ازىرلەۋ بارىسىندا بازالىق ج و و- لاردىڭ باسقارۋشىلىق جانە اكادەميالىق قۇرامنىڭ 100 قىزمەتكەرى نازاربايەۆ ۋنيۆەرسيتەتىندە قايتا دايارلاۋ جانە بىلىكتىلىكتى ارتتىرۋ كۋرستارىن يگەردى. وسى كۋرستار شەڭبەرىندە وقىتۋشىلار  ۇلىبريتانيا، جاپونيا، اقش، سينگاپۋر ەلدەرىنىڭ جەتەكشى جوو- لارىندا تاعىلىمدامادان ءوتتى. سونىمەن قاتار قازىرگى تاڭدا حالىقارالىق ستاندارتتاردىڭ تالاپتارىنا سايكەس، ءبىلىم بەرۋدىڭ دەڭگەيلەرى بويىنشا ازىرلەنگەن مەملەكەتتىك ستاندارتتىڭ (قازاقستان رەسپۋبليكاسى ۇكىمەتىنىڭ 2012 -جىلعى 23 تامىزداعى № 1080 قاۋلىسى) نەگىزگى قاعيدالارى بويىنشا باكالاۆرياتتا %55، ماگيستراتۋرادا %70، دوكتورانتۋرادا %90 سياقتى تاڭداۋ كومپونەنتىنىڭ ۇلەسى رەتىندە اكادەميالىق ەركىندىك قاراستىرىلعان. وسى اكادەميالىق ەركىندىك اياسىندا ج و و- لار ايماقتىڭ الەۋمەتتىك- ەكونوميكالىق دامۋىنىڭ ەرەكشەلىكتەرىن ەسكەرىپ، ەڭبەك نارىعىنىڭ قاجەتتىلىكتەرىنە سايكەس جۇمىس بەرۋشىلەردى تارتۋ ارقىلى ءبىلىم بەرۋ باعدارلامالارىن دەربەس تۇردە ازىرلەيدى. سونداي- اق جۇمىس بەرۋشىلەر مەملەكەتتىك قورىتىندى اتتەستاتتاۋ ۇدەرىسىنە دە قاتىسادى.

- شىندىعىندا، بۇگىنگى جاھاندىق دامۋدا كەز- كەلگەن پروبلەمانى شەشۋدىڭ تۇپكى جولى بىلىمگە تىرەلەتىنى ءسوزسىز. بۇل رەتتە حالىقارالىق مويىندالعان تاجىريبەلەردى ءسىڭىرۋدىڭ ماڭىزى زور. وسى تۇرعىدان العاندا پرەزيدەنت جۇكتەگەن دەربەس ءبىلىم بەرۋ ۇيىمدارىنىڭ اكادەميالىق باسقارۋ جۇيەسىن جەتىلدىرۋ جانە جەكەمەنشىك جوو- لارعا حالىقارالىق تاجىريبەلەردى ترانسفورماتسيالاۋ بويىنشا نە ايتار ەدىڭىز؟

- بۇگىنگى تاڭدا جوعارى وقۋ ورىنداردا كورپوراتيۆتىك باسقارۋدىڭ ۇلگىسىن ازىرلەۋ بويىنشا جوسپارلى جۇمىس اتقارىلۋدا. 9 ج و و- دا بايقاۋ كەڭەستەرى جۇمىس ىستەيدى. بايقاۋ كەڭەستىڭ قۇرامىنا مينيسترلىكتىڭ، جەرگىلىكتى اتقارۋشى ورگانداردىڭ، ۇلتتىق كاسىپكەرلەر پالاتاسىنىڭ، قوعامداستىقتىڭ جانە مەملەكەتتىك كاسىپورىنداردىڭ وكىلدەرى كىرەدى. ولار جوو دامۋىنىڭ بەسجىلدىق ستراتەگيالىق جوسپارلارىن بەكىتەدى، قارجى قىزمەتى جونىندە مونيتورينگ جۇرگىزەدى جانە رەكتورلاردىڭ كانديداتۋرالارى بويىنشا ۇسىنىستار ەنگىزەدى. كورپوراتيۆتىك باسقارۋ جانە ۇيىمداستىرۋشىلىق جۇمىس بويىنشا بايقاۋ كەڭەستەرىنىڭ مۇشەلەرى ءۇشىن وقىتاتىن سەمينارلار وتكىزىلەدى. وسىلاي 2014 -جىلى 100 گە جۋىق مەملەكەتتىك جوو- لاردىڭ باسشىلارى جانە بايقاۋ كەڭەستەرىنىڭ مۇشەلەرى سينگاپۋر مەن اقش ۋنيۆەرسيتەتتەرىندە تاعىلىمدامادان ءوتۋ ارقىلى نازاربايەۆ ۋنيۆەرسيتەتىنىڭ باعدارلاماسى بويىنشا كۋرستاردى يگەردى.

سونىمەن بىرگە بايقاۋ كەڭەستەرى جۇيەسىن كەڭەيتۋ بويىنشا جوسپارلى جۇمىس اتقارىلۋدا. 21 جوعارى وقۋ ورنى بازاسىندا بايقاۋ كەڭەستەرىن قۇرۋ جوسپارلانعان. بايقاۋ كەڭەستەرىن قۇرۋ جۇمىسى شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارعا قويىلاتىن كريتەرييلەرگە سايكەس جۇرگىزىلەدى. سونداي- اق مەملەكەتتىك ج و و- لاردىڭ الەۋمەتتىك جاۋاپكەرشىلىگى مەن قىزمەتىنىڭ اشىقتىق پرينتسيپتەرىن ەنگىزۋ ماقساتىندا قامقورشىلىق كەڭەستەردىڭ قىزمەت ەتۋى جونىندەگى ەرەجەسىن جەتىلدىرۋ بويىنشا جۇمىس جۇرگىزىلۋدە. قامقورشىلىق كەڭەستەرىنىڭ جۇمىس جوسپارلارىندا كورپوراتيۆتىك باسقارۋدىڭ قازىرگى زامانعى پرينتسيپتەرى قاراستىرىلعان. كورپوراتيۆتىك باسقارۋدىڭ باستى پرينتسيپتەرى رەتىندە اقپاراتتىڭ اشىقتىعى مەن وبەكتيۆتىلىگى، زاڭدىلىق پەن ەتيكا، ءتيىمدى كادرلىق ساياسات، قورشاعان ورتانى قورعاۋ، كورپوراتيۆتىك جانجالداردى جانە مۇددەلەر جانجالىن شەشۋدىڭ ساياساتى، جاۋاپكەرشىلىك قاراستىرىلادى. قازىرگى تاڭدا قامقورشىلىق كەڭەستەرى 65 ج و و- دا جۇمىس ىستەيدى.

اۆتور: رۋسلان عابباسوۆ

سوڭعى جاڭالىقتار