الماتى وبلىسىندا «اسكەري الپينيادا-2021» وتۋدە
باس شتاب باستىعىنىڭ كۋبوگىن جەڭىپ الۋ ءۇشىن ارنايى ماقساتتاعى بولىمشەلەردىڭ كىل مىقتى اسكەري الپينيستەرى جارىساتىن بولادى. سپورتشىلار سەگىز ارنايى تاپسىرمانى ورىندايدى. ولاردىڭ ىشىندە نۇرسۇلتان شىڭىنا شىعۋ، وزەن ارقىلى اسپالى ارقانمەن ءوتۋ جانە جاپسارلاسا ءوتۋ، زارداپ شەككەن ادامدى تاسىمالداۋ، ارنايى قۇرالداردى پايدالانا وتىرىپ، جارتاستى جەرلەردەن ءوتۋ دە بار. سول سەكىلدى، قاتىسۋشىلار تابيعي جارتاسقا جەكە ورمەلەۋ ماشىعىن كورسەتىپ، ويلى-قىرلى جەرلەرگە مارش جاسايدى.
تاۋ دايارلىعى - ارنايى بولىمشەلەردى تاۋداعى ءىس-قيمىلدارعا ارنايى دايارلاۋدىڭ نەگىزگى باعىتتارىنىڭ ءبىرى. جارىستاردى وتكىزۋ كەزىندە اسكەري قىزمەتشىلەردىڭ دايارلىق دەڭگەيى، ولاردىڭ تەوريالىق ءبىلىمى مەن تاجىريبەدەگى داعدىلارى، جەكە جانە توپ قۇرامىندا جۇمىس ىستەي ءبىلۋى باعالانادى.
جارىس قازاقستان رەسپۋبليكاسى تاۋەلسىزدىگىنىڭ 30 جىلدىعىنا ورايلاستىرىلدى.
اسكەري الپينيادا جەڭىمپازدارىن ماراپاتتاۋ ءراسىمى 12- جەلتوقساندا وتەدى.
