بۋرابايدا «قانسونار-2021» حالىقارالىق ءتۋرنيرى ءوتىپ جاتىر

كوكشەتاۋ. قازاقپارات - بۇگىن بۋرابايدا قازاقستان رەسپۋبليكاسىنىڭ تاۋەلسىزدىگى كۇنىنە جانە اتاقتى بۇركىتشى ءماسىپ باتىرحان ۇلىن ەسكە الۋعا ارنالعان «قانسونار-2021» اڭشى قۇستارمەن اڭ اۋلاۋ شەبەرلەرى اراسىندا حالىقارالىق تۋرنير ءوتىپ جاتىر، دەپ حابارلايدى قازاقپارات ءتىلشىسى.

وبلىستىق دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ مالىمەتىنشە، بايراقتى جارىسقا موڭعوليا، قىرعىزستان، قىتاي، ۆەنگريا جانە قازاقستاننىڭ وزگە وبلىستارىنان كەلگەن اتاقتى قۇسبەگىلەر 60 قا جۋىق جىرتقىش قۇستاردى اكەلدى.

«قۇسبەگىلەر «بۇركىتپەن اڭ اۋلاۋ»، «سۇڭقارمەن اڭ اۋلاۋ»، «قارشىعامەن اڭ اۋلاۋ» باعدارلامالارىندا جىلدىڭ ۇزدىك اڭشىسى اتاعى ءۇشىن كۇرەسەتىن بولادى. ەرتەڭ فينالدىق كەزەڭ وتەدى. وندا جارىس جەڭىمپازدار مەن جۇلدەگەرلەرى انىقتالىپ، ماراپاتتالاتىن بولادى»، - دەدى ۆەدومستۆودان.