اقمولا وبلىسىندا «زىمىران-2021» وقۋ-جاتتىعۋى باستالدى
اۋقىمدى شاراعا جەرگىلىكتى اتقارۋشى ورگاندار، وبلىستىق جانە اۋداندىق ازاماتتىق قورعاۋ قىزمەتتەرى، وبلىستىق، قالالىق جانە اۋداندىق توتەنشە جاعدايلاردىڭ الدىن الۋ جانە جويۋ كوميسسيالارى، توتەنشە جاعدايلار دەپارتامەنتىنىڭ ۆەدومستۆولىق باعىنىستى ۇيىمدارى مەن اۋماقتىق بولىمشەلەرىنىڭ قىزمەتكەرلەرى قاتىسۋدا.
تاكتيكالىق وقۋ-جاتتىعۋ «بايقوڭىر» عارىش ايلاعىنان ۇشىرۋ بارىسىندا تاسىمالداعىش زىمىرانداردىڭ اپاتى سالدارىنان تۋىندايتىن توتەنشە جاعداي كەزىندە ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىنىڭ كۇشتەرى مەن قۇرالدارىنىڭ ءىس-قيمىلعا دايىندىعى تاقىرىبىنداعى مىندەتتەردى ورىنداۋعا دايىندىق دارەجەسىن ايقىنداۋعا باعىتتالعان.
«وبلىستىڭ بارلىق قالالارى مەن اۋداندارىندا وقۋ كىرىسپە جۇمىستارىن پىسىقتاۋ ماقساتىندا قۇرامىنا 14 ازاماتتىق قورعاۋ قىزمەتى كىرەتىن 139 قۇرالىم جەدەل شتابتار جوعارى دايىندىققا كەلتىرىلدى. قۇتقارۋشىلار توتەنشە جاعدايلار كەزىندە بارلىق سانيتارلىق-ەپيدەميولوگيالىق جانە كارانتين نورمالارىن ساقتاي وتىرىپ، ەكى كۇن قاتارىنان ناقتى ۋاقىت رەجيمىندە ءىس-قيمىل الگوريتمدەرىن پىسىقتايتىن بولادى»، - دەدى ۆەدومستۆودان.
