2021-جىلى گرانتتى وتەۋگە قاتىستى زاڭ تالاپتارى جەڭىلدەتىلدى
مەملەكەتتىك گرانت ارقىلى ءبىلىم بەرۋگە قاتىستى وزگەرىستەر زاڭعا 2016-جىلى ەنگىزىلدى.
سايكەسىنشە، گرانتپەن وقىعان ستۋدەنتتەر وقۋىن اياقتاعان سوڭ ماماندىعى بويىنشا مەملەكەتتىك مەكەمەلەردە 3 جىل جۇمىس ىستەۋگە مىندەتتى بولاتىن. تيىسىنشە، بۇل نورما 2017-2018 اكادەميالىق جىلدان باستاپ مەملەكەتتىك تاپسىرىس ەسەبىنەن جوعارى وقۋ ورىندارىنا تۇسكەن بارلىق ستۋدەنتكە قاتىستى قولدانىلادى.
«ەگەر ستۋدەنت جوعارى وقۋ ورنىنا گرانت بويىنشا 2017-جىلى ءتۇسىپ، 2020-2021 اكادەميالىق جىلى وقۋىن اياقتاسا، ول گرانتتى بۇرىن قابىلدانعان زاڭعا سايكەس وتەيدى. سوندىقتان بۇل رەتتە ايتارلىقتاي جاڭاشىلدىق جوق»، - دەپ ءتۇسىندىردى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.
2021-جىلدىڭ باسىندا گرانتتى وتەۋگە قاتىستى زاڭ تالاپتارى جەڭىلدەتىلدى. ەندى جوعارى وقۋ ورنىندا گرانت ارقىلى ءبىلىم العان تۇلەكتەر گرانتتى ماماندىق بويىنشا بۇرىنعىداي تەك مەملەكەتتىك ۇيىمداردا عانا ەمەس، جەكەمەنشىك مەكەمەلەردە دە وتەي الادى.
سونىمەن قاتار جۇمىسپەن وتەۋ مەرزىمى گرانت بويىنشا بارلىق 4 جىل كولەمىندە ەمەس، تەك بەلگىلى ءبىر ۋاقىت ارالىعىندا عانا وقىعاندارداردىڭ پايداسىنا قاراي قايتا قارالدى.
ماسەلەن، ستۋدەنت جوعارى وقۋ ورنىنىڭ اقىلى بولىمىنە ءتۇسىپ، ءبىراز ۋاقىتتان كەيىن جاقسى ۇلگەرىمى ءۇشىن مەملەكەتتىك ءبىلىم گرانتىن يەلەنۋى نەمەسە كەرىسىنشە، گرانتتا وقىپ ءجۇرىپ، اقىلى بولىمگە اۋىسۋى مۇمكىن. بۇل جاعدايدا ازامات قانشا جىل گرانت ارقىلى وقىسا، گرانتتى ءدال سول مەرزىمگە سايكەس وتەي الادى.
ەسكە سالا كەتسەك، 2025-جىلعا دەيىن گرانتتار سانى 50 پايىزعا ارتادى. گرانتتاردىڭ بىرنەشە ءتۇرى ەنگىزىلەدى.
