ەلوردادا 2021 -جىلى كاسىپتىك وقىتۋعا ارنالعان ماماندىقتار ءتىزىمى بەكىتىلدى

نۇر- سۇلتان. قازاقپارات - ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان «ەڭبەك» مەملەكەتتىك باعدارلاماسىن ىسكە اسىرۋ اياسىندا 2021 -جىلى قىسقا مەرزىمدى كاسىپتىك وقىتۋدى ۇيىمداستىرۋ ءۇشىن ءتيىستى ماماندىقتار تىزبەسى مەن ورىنداردى ءبولۋ بەكىتىلدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
None
None

بەكىتىلگەن تىزىمدە «ەڭبەك» مەملەكەتتىك باعدارلاماسى اياسىندا قىسقا مەرزىمدى كاسىپتىك وقىتۋ جۇرگىزىلەتىن 14 ماماندىق بار. بارلىعى 200 ورىن ءبولىندى. سونىمەن، كۋرستار اياسىندا اسپازشى (جالپى پروفيل) - 30 ورىن، ناۋبايشى (جالپى پروفيل) - 15 ورىن، تىگىنشى (وپەراتور تىگىنشى) - 30 ورىن، تىگىنشى - 40 ورىن، شاشتاراز - 25 ورىن، كونديتەر - 15 ورىن، باقىلاۋشى- كاسسير - 10 ورىن، تاربيەشى كومەكشىسى - 2 ورىن، تاربيەشى - 8 ورىن، SMM مەنەدجەرى - 5 ورىن، دانەكەرلەۋشى - 5 ورىن، سلەسار- سانتەحنيك - 5 ورىن، كران ماشينيسى - 5 ورىن، تەحنيك ەلەكتريك - 5 ورىن.

ال SMM مەنەدجەرى ماماندىعى بويىنشا وقىتۋ 2 اي، قالعانى ءۇشىن – 3 اي. ءبىلىم بەرۋ ۇيىمدارىندا 2021 -جىلى قىسقا مەرزىمدى كاسىپتىك وقىتۋ دۋالدى وقىتۋ ەلەمەنتتەرىمەن جۇرگىزىلەدى. باعدارلاماعا حالىقتى جۇمىسپەن قامتۋ ورتالىعىندا جۇمىسسىز رەتىندە تىركەلگەندەر قاتىسا الادى. قاتىسۋشىلار مەملەكەتتىك قولداۋمەن قامتاماسىز ەتىلەدى، وقۋ كەزەڭىندە 21787 تەڭگە مولشەرىندە ستيپەنديا جانە مەديتسينالىق تەكسەرۋدەن ءوتۋ ءۇشىن 5556 تەڭگە (2 اەك) مولشەرىندە ماتەريالدىق كومەك تولەنەدى.

كاسىبي وقىتۋ ماسەلەلەرى بويىنشا مىنا تەلەفوندارعا حابارلاسۋعا بولادى: 77053296963؛77757534691 / 87172954424 .

سوڭعى جاڭالىقتار