13:21, 08 - قاراشا 2020 | GMT +5
2021 -جىلعى قىسقى ۋنيۆەرسيادانىڭ قاشان وتەتىنى بەلگىلى بولدى
نۇر- سۇلتان. قازاقپارات - قىسقى ۋنيۆەرسيادا ويىندارى 2021 -جىلدىڭ قاڭتارىنان جەلتوقسان ايىنا اۋىستىرىلدى، دەپ حابارلايدى قازاقپارات ءتىلشىسى.
بۇل جونىندە حالىقارالىق ۋنيۆەرسيتەتتىك سپورت فەدەراتسياسى (FISU) ءمالىم ەتتى.
ەستەرىڭىزگە سالا كەتەلىك، اتالمىش ءدۇبىرلى دودانى شۆەيتساريانىڭ ليۋتسەرن قالاسىندا الداعى جىلدىڭ 21-31- قاڭتارىندا وتكىزۋ جوسپارلانعان. الەمدە جايلاعان پاندەمياعا بايلانىستى ول كەيىنگە شەگەرىلگەن ەدى. ەندىگى كەزەكتە ۋنيۆەرسيادا وتەتىن ناقتى مەرزىم انىقتالدى. ول 2021 -جىلدىڭ 11-جانە 21 -جەلتوقسان كۇندەرىنە بەلگىلەندى.
ۋنيۆەرسيادا ويىندارى 1959 -جىلدان باستاپ تۇراقتى تۇردە وتكىزىلىپ كەلەدى. 2017 -جىلى قىسقى ۋنيۆەرسيادا قازاقستاننىڭ الماتى قالاسىندا ۇيىمداستىرىلدى.
