2020 -جىلدىڭ جەر جانە مۇلىك سالىقتارىن قالاي تولەيمىز

نۇر- سۇلتان. قازاقپارات - سالىق زاڭناماسىنا ەنگىزىلگەن وزگەرىستەرگە سايكەس 2020 -جىلعى 1 -قاڭتاردان باستاپ جەكە تۇلعالاردىڭ مەنشىك قۇقىعىنا تيەسىلى جەر ۋچاسكەلەرى جانە جىلجىمايتىن مۇلىك بويىنشا سالىقتار جەكە تۇلعالاردىڭ مۇلكىنە ءبىرىڭعاي سالىققا بىرىكتىرىلدى.

بۇل تۋرالى ق ر ق م مەملەكەتتىك كىرىستەر كوميتەتىندە حابارلادى.

وسىعان بايلانىستى سالىقتىڭ ەسەپتەلگەن سوماسى جىلجىمايتىن مۇلىك پەن جەر ۋچاسكەسى بويىنشا مىندەتتەمەلەردى قامتيدى جانە ءبىرىڭعاي سومامەن تولەنەدى.

«2020 -جىلعا مۇلىك سالىعىن تولەۋ مەرزىمى 2021 -جىلعى 1-قازاندا اياقتالادى»، - دەلىنگەن كوميتەت حابارلاماسىندا. مۇلىك سالىعىنىڭ سوماسىن ونى تولەۋ مەرزىمى باستالعانعا دەيىن دايىن دەرەكتەمەلەر بويىنشا ءبىر مەزگىلدە تولەم جۇرگىزۋ مۇمكىندىگىمەن «ە-salyq Azamat» ءموبيلدى قوسىمشاسىندا، سونداي- اق Kaspi.kz جانە Homebank بانكتەرىنىڭ ءموبيلدى قوسىمشالارىندا kgd.gov.kz «الداعى تولەمدەر» سەرۆيسىنەن بىلۋگە بولادى. بۇدان باسقا، سالىق سالۋ وبەكتىلەرى بويىنشا اقپاراتتى «e -salyq Azamat» ءموبيلدى قوسىمشاسىنىڭ «سالىق ءاميانى» بولىمىندە كورۋگە نەمەسە وسىنداي وبەكتىلەردىڭ ورنالاسقان جەرى بويىنشا مەملەكەتتىك كىرىستەر باسقارماسىنا جۇگىنۋگە بولادى.