توكيو-2020: قازاقستاندىق سپورتشى ەكىنشى كەزدەسۋىن جەڭىسپەن اياقتادى

توكيو. قازاقپارات - توكيو وليمپياداسىندا قازاقستاندىق سوفيا بەرۋلسەۆا (61 كەلى) كاراتە-دودان العاشقى ەكى جەكپە-جەگىندە جەڭىسكە جەتتى، دەپ حابارلايدى قازاقپارات ءتىلشىسى.

ەكىنشى كەزدەسۋىندە ول يتاليا سپورتشىسى سيلۆيا سەمەرارومەن شەبەرلىك بايقاستى. قارسىلاسى - ەۋروپا ويىندارىنىڭ جەڭىمپازى بولعان تاجىريبەلى سپورتشى. دەسە دە قازاقستاندىق سپورتشى قارسىلاسىن 5:1 ەسەبىمەن قاپى قالدىرىپ كەتتى. ەندى ول ازەربايجاندىق يرينا زارەسكايامەن كەزدەسەدى. قازاقستاندىق سپورتشى بۇدان بۇرىن تۇركيالىق مەلتەم حودجاوعلىمەن شەبەرلىك بايقاستى. تۇركيالىق سپورتشى ەۋروپا چەمپيونى، الەم چەميوناتىنىڭ ەكى دۇركىن جۇلدەگەرى بولعان. تاجىريبەلى قارسىلاسىمەن سوفيا 5:5 ەسەبىمەن تەڭ ءتۇستى.

ايتا كەتەيىك، بۇدان بۇرىن كاراتە-دودان دارحان اسادىل وليمپيادانىڭ قولا جۇلدەسىن الدى.

توكيو وليمپياداسى 8-تامىزدا مارەسىنە جەتەدى.