2020 -جىل تۇركى الەمى ءۇشىن مازمۇندى بولدى - تۇركى كەڭەسىنىڭ باس حاتشىسى
«بۇگىنگى سامميتتە تۇركى الەمىنىڭ بارلىق كوشباسشىلارىن بىرگە كورۋ ءبىز ءۇشىن ۇلكەن قۋانىش. قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆقا تۇركى كەڭەسىنىڭ قۇرىلۋىنا جانە دامۋىنا قوسقان باعا جەتپەس جەكە ۇلەسى ءۇشىن شىن قۇرمەت بىلدىرەمىز. بۇگىنگى ءسامميتتى جوعارى دەڭگەيدە ۇيىمداستىرعانى ءۇشىن جانە قازاقستاننىڭ ۇيىم جۇمىسىنا بەلسەندى قاتىسۋىن ءاردايىم قولداپ وتىرعان قازاقستان پرەزيدەنتى قاسىم- جومارت توقايەۆقا شىنايى ريزاشىلىعىمدى بىلدىرگىم كەلەدى»، - دەدى ب. امىرەيەۆ تۇركى تىلدەس مەملەكەتتەر ىنتىماقتاستىعى كەڭەسىنىڭ بەيرەسمي سامميتىندە.
ونىڭ ايتۋىنشا، بارلىق سىن- قاتەرلەر مەن قيىندىقتارعا قاراماستان، 2020 -جىل تۇركى الەمى ءۇشىن مازمۇندى ءارى ناتيجەلى جىل بولدى.
«سامميتىمىزگە العاش قاتىسىپ وتىرعان قىرعىزستان پرەزيدەنتى سادىر جاپاروۆتى قۇتتىقتاي وتىرىپ، باۋىرلاس قىرعىز مەملەكەتىنىڭ تۇركى الەمىنىڭ ىنتىماقتاستىعى مەن سەرىكتەستىكتى نىعايتۋعا زور ۇلەس قوساتىنىنا سەنەمىن»، - دەپ توقتالدى باس حاتشى.
«ايماقتاعى قاۋىپسىزدىك پەن تۇراقتىلىقتى قامتاماسىز ەتۋدە تۇركيانىڭ ءوسىپ كەلە جاتقان جەتەكشى ءرولىنىڭ كۋاسى بولدىق. وسى مۇمكىندىكتى پايدالانا وتىرىپ، تۇركيا پرەزيدەنتى رەجەپ تاييپ ەردوعاننىڭ تۇركى كەڭەسىنە قۋاتتى قولداۋى جانە حالىقارالىق ارەنادا تۇركى الەمىنىڭ مۇددەلەرىن قورعاۋعا ءارى ىلگەرىلەتۋگە قوسقان باعا جەتپەس ۇلەسىن ەرەكشە اتاپ وتكىم كەلەدى»، - دەدى ب. امىرەيەۆ.
سونىمەن قاتار ول وزبەكستان تۇركى كەڭەسى اياسىندا بارلىق باعىتتار بويىنشا، اسىرەسە، ساۋدا- ەكونوميكالىق سالادا، كولىك جانە لوگيستيكادا ىنتىماقتاستىقتى دامىتۋعا بەلسەندى اتسالىسا باستاعانىن اتاپ ءوتتى.
ايتا كەتەيىك، تۇركى تىلدەس مەملەكەتتەر ىنتىماقتاستىعى كەڭەسىنىڭ بەيرەسمي سامميتىندە «تۇركىستان دەكلاراتسياسى» قابىلداندى.
