ناتو-نىڭ اسكەري-ساياسي بلوگى 2020 -جىلعى نوبەل سىيلىعىنا ۇسىنىلدى

وسلو. قازاقپارات - نورۆەگ پارلامەنتى - ستورتينگتىڭ بيلەۋشى كونسەرۆاتيۆتى پارتيادان شىققان دەپۋتاتتارى ەرلەند لارسەن پەن حورەك ەلۆەنەس ب ا ق-قا 2020 -جىلى ن ا ت و-نىڭ اسكەري-ساياسي بلوگىن نوبەل سىيلىعىنا ۇمىتكەر رەتىندە ۇسىنعانىن ءمالىم ەتتى، دەپ حابارلايدى قازاقپارات مەنشىكتى ءتىلشىسى.

ولاردىڭ ايتۋىنشا، 2019 -جىلى ن ا ت و 75 جاسقا تولدى، بۇل باتىس ەۋروپانىڭ قازىرگى تاريحىنداعى ەڭ ۇزاق كەزەڭ جانە سولتۇستىك اتلانت اليانسى وسى جىلدار بويى ەۋروپادا بەيبىتشىلىكتى قامتاماسىز ەتىپ كەلەدى.

نوبەلدىڭ بەيبىتشىلىك كوميتەتىنىڭ ەرەجەلەرىنە سايكەس، ن ا ت و-عا كانديداتۋرا بيىلعى جىلعا ءوتىنىم بەرۋ مەرزىمى اياقتالعانعا دەيىن، ياعني 31-قاڭتارعا دەيىن ۇسىنىلدى.

ەسكە سالا كەتەيىك، نورۆەگيا - 1949 -جىلى قۇرىلعان ساتتەن باستاپ اليانسقا كىرگەن ون ەكى ەلدىڭ ءبىرى. بۇگىنگى تاڭدا ن ا ت و- عا ەۋروپا مەن سولتۇستىك امەريكادان 29 ەل كىرەدى، ال اليانستىڭ باس حاتشىسى - 2014 -جىلدان باستاپ بەلگىلى نورۆەگ ساياساتكەرى، بۇرىنعى پرەمەر- مينيستر يەنس ستولتەنبەرگ.