سكات كومپانياسى بەك ايىر جولاۋشىلارىن 2020 -جىلدىڭ قاڭتارىنا دەيىن تاسىمالداماق

نۇر- سۇلتان. قازاقپارات- SCAT اۋە كومپانياسى Bek Air جولاۋشىلارىن كەلەسى جىلدىڭ قاڭتار ايىنا دەيىن تاسىمالداۋدى كوزدەپ وتىر، دەپ حابارلايدى قازاقپارات اۋە كومپانياسىنىڭ باسپا ءسوز قىزمەتىنە سىلتەمە جاساپ.

«SCAT اۋە كومپانياسى Bek Air كومپانياسىنىڭ جولاۋشىلارىن تاسىمالداۋعا كومەكتەسۋ مەرزىمىن 2020 -جىلدىڭ 31 - قاڭتارىنا دەيىن ۇزارتتى» ، - دەلىنگەن حابارلامادا.

باسپاءسوز قىزمەتى Bek Air جولاۋشىلارىن تاسىمالداۋ بوس ورىن بولعاندا عانا جۇزەگە اسىرىلاتىنىن ايتادى.

«تاسىمالدى ۇزەگە اسىرۋ ءۇشىن Bek Air كومپانياسىنا حابارلاسۋ كەرەك، سودان سوڭ رەيستەرگە ءبولۋ باستالادى» ، - دەپ قوستى باسپا ءسوز قىزمەتى.

ايتا كەتەيىك، 27 - جەلتوقساندا الماتى- نۇر- سۇلتان باعىتىمەن ۇشىپ بارا جاتقان Bek Air كومپانياسىنىڭ 2100 رەيسى كەنەت اپاتقا ۇشىراپ، بەتون قورشاۋدى بۇزىپ ءوتتى. ارتىنان ۇشاق ەكىقاباتتى عيماراتپەن سوقتىعىسىپ، 12 ادام قازا بولدى.