09:56, 09 - شىلدە 2019 | GMT +5
يلين 2020-جىلعى وليمپيادادا الەم رەكوردىن جاڭارتپاق
نۇر-سۇلتان. قازاقپارات - قازاقستاننىڭ بەلگىلى اۋىر اتلەتى يليا يلين توكيو تۋرنيرىندە كورسەتكەن ونەرىنە باعا بەرىپ، 2020-جىلعى وليمپياداداعى باستى ماقساتىن اتادى، دەپ حابارلايدى Sports.kz.
«كورسەتكەن ونەرىمە كوڭىلىم تولدى. 170 كيلوگرامعا ازعانا جەتپەي قالدى، ءالى جۇمىس ىستەيتىن تۇستار بارشىلىق. جىلدىڭ سوڭىنا قاراي، الەم چەمپيوناتىنا دەيىن ءبارىن رەتتەۋىم كەرەك. ەگەر وليمپياداعا جولداما السام، وندا رەكورد جاساۋعا ارەكەت ەتەمىن. 11- شىلدەدە بازاعا بارىپ، جۇمىسقا كىرىسەمىز»، - دەيدى يلين.
سپورتشى جاقىن اراداعى جارىستارعا قاتىسۋى تۋرالى دا ايتىپ ءوتتى.
«15- تامىزدا تالدىقورعاندا قازاقستان حالقى سپارتاكياداسى بولادى. سول جەردە 172-173 جانە 210 كەلى كوتەرۋدى جوسپارلاپ وتىرمىن»، - دەيدى اتلەت.