توكيو-2020: سىناقتىق جارىستاردىڭ قاشان باستالاتىندىعى جاريالاندى

استانا. قازاقپارات - توكيوداعى وليمپيادا جانە پاراليمپيادا ويىندارىن ۇيىمداستىرۋ كوميتەتى ءتورتجىلدىق دودا قارساڭىنداعى سىناقتىق تۋرنيرلەردىڭ ەكىنشى كەزەڭى باستالاتىندىعىن جاريالادى، دەپ حابارلايدى قازاقپارات.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتى ءمالىم ەتكەندەي، جارىس كەستەسىنە 16 سپورتتىق شارا مەن 20 مادەني ءىس-شارا ەنگىزىلگەن.

«سوڭعى كەزەڭ باعدارلاماسى 2019-جىلدىڭ قاڭتارىندا حابارلانادى. 2020-جىلدىڭ مامىرىنا دەيىن جالپى ەسەبى 56 ءىس-شارا وتكىزىلەدى دەپ جوسپارلانۋدا. ونىڭ باسىم بولىگى 2020-جىلعى وليمپيادا ويىندارىندا دايىندىق اياسىندا وتەدى. ال قالعان جارىستار توكيو-2020 ۇيىمداستىرۋ كوميتەتىنىڭ قولداۋىمەن وتكىزىلەدى»، - دەلىنگەن حابارلامادا.

سىناقتىق جارىستار جاپونيا تۇرعىندارى مەن جارىستى ۇيىمداستىرۋشىلارعا وليمپيادالىق نىسانداردىڭ دايىندىعىن بايقاۋعا مۇمكىندىك بەرەدى.

باعدارلاما ۇشكە بولىنگەن: العاشقىسى 2019-جىلدىڭ قىركۇيەگىنە دەيىن وتسە، ەكىنشىسى 2019-جىلدىڭ قازانى مەن 2020-جىلدىڭ اقپانى ارالىعىندا، ءۇشىنشىسى 2020-جىلدىڭ ناۋرىزى مەن مامىرى ارالىعىندا وتەدى.

اۆتور: كۇنسۇلتان وتارباي