جابايى اڭداردىڭ ۇشتەن ەكىسى 2020-جىلدارى جويىلادى
بۇكىل الەمدىك جابايى تابيعات قورىنىڭ (WWF) جاريا ەتكەن ەسەبى بويىنشا 2020-جىلدارى ولاردىڭ سانى 1970-جىلعىمەن سالىستىرعاندا ۇشتەن ەكىگە ازايادى. قۇرىپ بارا جاتقان اڭدار قاتارىندا سۇتقورەكتىلەر، بالىقتار، قۇستار، قوسمەكەندىلەر جانە ت. ب. بار.
WWF ەسەبىن ەكى جىلدا ءبىر رەت جاريالايدى. سوڭعىسىندا وتكەن داۋىرلەردە اڭداردىڭ قۇرىپ كەتۋىنە ادامنىڭ ىقپالى تالدانعان. اتاپ ايتار بولساق، 1970- 2012-جىلدار ارالىعىندا جابايى اڭدار سانى 58 پايىزعا قىسقارعان. ەگەر ادامزات وسىعان قارسى شارا قولدانباسا تاياۋ بولاشاقتا پوپۋلياتسيانىڭ جويىلۋى قارقىن الىپ كەتۋى مۇمكىن.
عالىمدار وسى دەرەكتەردى نازارعا الا وتىرىپ الداعى ۋاقىتتا جەر بەتىندەگى 40 جىل بۇرىنعى بولعان حايۋاناتتاردىڭ ۇشتەن ءبىرى عانا قالۋى مۇمكىن دەپ قاۋىپتەنەدى.
ەسكە سالا كەتسەك، WWF بولجامى جانۋارلاردىڭ تۇرىنە ەمەس جالپى سانىنا قاتىستى. الايدا ساراپشىلار پوپۋلياتسيانىڭ كۇرت ازايۋى كوپتەگەن جانۋارلار ءتۇرىنىڭ جويىلۋىنا اكەلىپ سوعۋى مۇمكىن دەگەن قاۋپىن جاسىرمايدى.
