الماتىدا 2020 - جىلى رەلستىك كولىك جەلىسىمەن كۇنىنە 60 مىڭنان استام جولاۋشى تاسىمالداناتىن بولادى

الماتى. قازاقپارات - بۇگىن الماتىنى دامىتۋ ورتالىعى مەن IDOМ جانە Norton Rose كونسورتسيۋمىنىڭ كونسۋلتانتتارى الماتىدا ۇزىندىعى 22,9 شاقىرىم بولاتىن جەڭىل رەلستى كولىك جەلىسىن سالۋ بويىنشا كونسەسسيالىق قۇجاتتاردى ازىرلەۋدى باستاۋ تۋرالى كەلىسىم- شارتقا قول قويدى.  

بۇعان الماتىدا قالاسىنىڭ اكىمدىگى مەن ەۋروپا قايتا قۇرۋ جانە دامۋ بانكى اراسىنداعى ىنتىماقتاستىق اياسىندا قول جەتكىزىلدى.   

 سونىمەن، 2020 - جىلى الماتىدا جەڭىل رەلستى كولىك جەلىسى ارقىلى كۇنىنە 62 مىڭداي جولاۋشى تاسىمالداناتىن بولادى. جەلىنىڭ باعىتى يندۋستريالدى ايماقتاعى دەپودان باستالىپ، ب. مومىش ۇلى، تولە بي، پانفيلوۆ كوشەلەرى، «استانا» الاڭى، ماقاتايەۆ جانە جەتىسۋ كوشەلەرى ارقىلى جۇرەتىن بولادى. سونداي- اق، جەلىنى باتىس اۆتوۆوكزالى مەن سوڭعى مەترو بەكەتىنە دەيىن، ياعني رايىمبەك داڭعىلى ارقىلى قالقامان شاعىن اۋدانىنداعى اۋەزوۆ كوشەسىنە دەيىن جەتكىزۋ كوزدەلگەن.   

 بۇل جوبانى جۇزەگە اسىرۋ، «الماتى قالاسىن دامىتۋ-2020» باعدارلاماسىنا سايكەس، قالاعا ىرگەلەس جاتقان اۋدانداردى، سونىڭ ىشىندە بيزنەس- سەكتوردى دامىتۋعا سەپتىگىن تيگىزەدى. ودان باسقا، قالاداعى باستى ماگيسترالدىق كوشەلەردەگى كولىك قوزعالىسىن جەڭىلدەتۋگە وڭ اسەرىن تيگىزەدى (كۇنىنە 25 مىڭ اۆتوكولىككە دەيىن قىسقارادى)، سونداي- اق ەكولوگيالىق جاعداي جاقسارا تۇسەدى.    

 وسىلايشا، جەڭىل رەلستى كولىك جەلىسى الماتى قالاسى ءۇشىن «جاسىل» ەكونوميكاعا كوشۋدە نەگىز قالاۋشى فاكتورعا اينالماق.

اۆتور:   جاپپاربەرگەن ايبوتا