قازاقستان 2020- جىلعا تامان جىلىنا 400 مىڭ توننا الليۋمينيدى تەرەڭ وڭدەيتىن بولادى
مينيستر ءوندىرىس بارىسىمەن تانىسا كەلە، زاۋىت باسشىلىعىنا مەملەكەت باسشىسى قويعان مىندەتتى ورىنداۋ كەرەكتىگىن جەتكىزدى.
«بۇگىندە ءبىز الماتى وبلىسى اكىمىمەن ۇيلەسە جۇمىس ىستەۋ ءۇشىن مينيسترلىك قۇزىرىنا كىرەتىن ماسەلەلەردى ءبىراز تالقىلادىق. قازىر يندۋستريالاندىرۋدىڭ ەكىنشى بەسجىلدىعى باعدارلاماسىنا وزگەرتۋلەر ەنىپ جاتىر. وعان تەك وڭدەۋ سالاسىنىڭ جوبالارى عانا ەمەس، قىزمەت كورسەتۋ سالاسىنىڭ جوبالارى دا ەنەتىن بولادى. وسى زاۋىتتا جىلىنا 12 مىڭ توننا وڭدەلەدى. 500 جاڭا جۇمىس ورنى اشىلادى. جۇمىس ءوندىرىسى 120 مىڭ دوللارعا ارتادى. ەلباسى الليۋميني وڭدەۋ كولەمىن 2020 - جىلعا تامان 400 مىڭ تونناعا جەتكىزۋگە تاپسىرما بەردى. ولاردىڭ 250 مىڭى تەرەڭ وڭدەلسە، 50 مىڭ تونناسى الماتى مەن الماتى وبلىسىنىڭ ۇلەسىنە كەلەدى. ايماق باسشىسىمەن بىرلەسە وتىرىپ ورتاق جوسپار جاساماقپىز»، - دەدى ءا. يسەكەشيەۆ.
وبلىس اكىمى اماندىق باتالوۆتىڭ ايتۋىنشا، كولىكتىڭ ءدالىزدىڭ قۇرىلىسى ءساتتى اياقتالسا، جول بويىندا جاڭا كاسىپورىندار قۇرىلادى. ول ءوز كەزەگىندە جاڭا جۇمىس ورىندارىن اشۋعا سەپ بولماق. الماتى وبلىسى اگرارلىق ايماق بولعاندىقتان، بۇل جەرگە ترانسپورتتىق لوگيستيكا ورتالىق اۋاداي قاجەت.
اۆتور: گۇلميرا عوسمانالي
