قازاقستاندا 2020-جىلعا دەيىن 28 ينسۋلت ورتالىعى اشىلادى

استانا. قازاقپارات - بۇل تۋرالى ەلىمىزدىڭ دەنساۋلىق ساقتاۋ جانە الەمۋەتتىك دامۋ مينيسترلىگىنىڭ رەسمي سايتىنان ءمالىم بولدى، دەپ حابارلايدى قازاقپارات.

مينيسترىك تاراتقان مالىمەتتەرگە قاراعاندا، جىل سايىن 29- قازان كۇنى الەمدە، سونىڭ ىشىندە قازاقستاندا دا دۇنيەجۇزىلىك ينسۋلتپەن كۇرەس كۇنى اتالىپ وتەدى. ونىڭ بارىسىندا وڭىرلەردە اشىق ەسىك كۇندەرى ۇيىمداستىرىلىپ، نيەۆروپاتولوگ، كارديولوگ، تەراپيەۆت جانە رەابيليتولوگ ماماندارى تەگىن كەڭەس بەرەدى. سونداي-اق ماماندار ۇيىم، مەكەمەلەردە ارنايى دارىستەر وقىپ، ينسۋلتتان ساقتانۋ جولدارى تۋرالى كەڭەس بەرەدى. سونىمەن قاتار رەسپۋبليكا بويىنشا وسى ماسەلەگە بايلانىستى ءتۇرلى جيىندار ۇيىمداستىرىلىپ، ينسۋلتپەن اۋىراتىندارعا قاجەتتى كومەكتەر بەرىلەدى.

باس مي تامىرلارىنىڭ اۋرۋلارى - جالپى اۋرۋلار قۇرىلىمىندا، حالىقتىڭ ءولىم-ءجىتىم كورسەتكىشىندە كوپ كەزدەسەتىندىكتەن جانە العاشقى مۇگەدەكتىكتىڭ سەبەبى بولىپ وتىرعاندىقتان، زاماناۋي قوعامنىڭ مەديتسينالىق-الەۋمەتتىك سالاسىنداعى ماڭىزدى ماسەلەلەردىڭ ءبىرى بولىپ قالا بەرمەك. وسى سەبەپتى الداعى ۋاقىتتا، ناقتىراق ايتقاندا 2020-جىلعا دەيىن ەلىمىزدە جۇمىس ىستەپ تۇرعان 40 ينسۋلت ورتالىعىنا قوسىمشا تاعى 28 ورتالىق اشۋ كوزدەلىپ وتىر.