قازاق ءتىلىنىڭ تەرمينولوگيالىق قورى 2020 -جىلعا قاراي 100 پايىز جاڭارتىلادى - ءا. قونىسباي
«تەرمينولوگيالىق قوردى جاڭا تەرميندەرمەن جاڭارتۋ تاريحي تىلدىك مۇرانى قايتا جوندەۋگە، سونداي- اق تەرمينتانۋ جانە تەرمينوگرافيا بويىنشا ارنايى جۇمىس جۇرگىزۋدى تالاپ ەتەدى.
بۇل كورسەتكىش 2014 -جىلعا قاراي %20 عا، 2017 -جىلعا قاراي - %60 عا دەيىن، ال 2020 -جىلعا قاراي %100 دەڭگەيگە دەيىن جەتكىزىلۋى ءتيىس»، - دەدى ءا. قونىسباي.
ونىڭ ايتۋىنشا، اتالعان جاڭارتۋ الەمدىك تاجىريبەنى، تۋىستاس تىلدەردىڭ مودەلىن، حالىقارالىق تەرميندەر مەن تەرمينولوگيالىق اتاۋلاردى پايدالانۋمەن، سونداي- اق ب ا ق- داعى جاڭا بەكىتىلگەن تەرميندەردى پايدالانۋ جيىلىگىن تۇراقتى مونيتورينگىلەۋ ارقىلى ءوتۋى ءتيىس.
بۇدان وزگە، ول ورتالىق «تەرميندەردىڭ ەلەكتروندىق بازاسى» اۆتوماتتاندىرىلعان مالىمەتتەر بازاسىن قۇرۋ بويىنشا عىلىمي ءىس- تاجىريبە زەرتتەۋلەرىن جۇرگىزەتىنىن ايتىپ ءوتتى، دەپ حابارلايدى primeminister.kz.
«پورتالدىڭ نەگىزگى ماقساتى - عالىم- لينگۆيستەرگە جانە سالانىڭ ماماندارىنا بىرگە جۇمىس جاساۋعا مۇمكىندىك بەرەتىن تۇعىرنامانى قامتاماسىز ەتۋ، سونداي-اق اۋديتوريانى قازاقستاندىق تەرمينولوگيالىق قوردىڭ جالپىعا قولجەتىمدى اۋدارمالارىمەن، دەفينيتسيالارىمەن جانە ەتيمولوگياسىمەن جىلدام ءارى ساپالى قامتاماسىز ەتۋ»، - دەپ ءتۇسىندىردى ول.
