اۆتوكولىك جولدارى جوباسىنا «نۇرلى جول» باعدارلاماسى اياسىندا 202,7 ميلليارد تەڭگە جۇمسالدى

استانا. قازاقپارات - «نۇرلى جول» اياسىندا جول قۇرىلىسىنا بولىنگەن قارجى تولىق يگەرىلەدى.

بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات ءتىلشىسى.

«نۇرلى جول» باعدارلاماسى اياسىنداعى جوبالاردى جۇزەگە اسىرۋ ءۇشىن 2016 -جىلى 349,7 ميلليارد تەڭگە ءبولىندى. ونىڭ 171,3 ميلليارد تەڭگەسى ۇلتتىق قوردان بولىنگەن. بۇگىنگە دەيىن بولىنگەن قارجىنىڭ 64 پايىزى يگەرىلدى، ونىڭ 116,9 ملرد. تەڭگەسى ۇلتتىق قوردان. ەندى يگەرىلۋى ءتيىس 127 ميلليارد تەڭگە كولەمىندەگى قارجى قالدى، ونىڭ 54,4 ميلليارد تەڭگەسى ۇلتتىق قوردىڭ اقشاسى»، - دەدى مينيستر.

ونىڭ اتاپ وتۋىنشە، 2016 - جىلعا ارنالعان اۆتوكولىك جولدارى جوباسىنىڭ بيۋدجەتى - 329,7 ميلليارد تەڭگە. ونىڭ 151,3 ميلليارد تەڭگەسى ۇلتتىق قوردان (ۇ ق). قارجىلاندىرۋ جوسپارىنا سايكەس، وسى جىلدىڭ اقپان ايىنان قىركۇيەك ايىنا دەيىنگى ارالىقتا بولىنگەن قارجىنىڭ 202,7 ميلليارد تەڭگەسى يگەرىلدى. يگەرىلگەن قارجىنىڭ 96,9 ميلليارد تەڭگەسى ۇلتتىق قوردان.

«جىل سوڭىنا دەيىن قالعان قاراجات تولىقتاي يگەرىلىپ بىتەدى. بۇگىنگە دەيىن 756 شاقىرىم جولعا اسفالت جانە سەمەنت بەتون جابىنى توسەلدى»، - دەدى ج. قاسىمبەك.

اۆتور: مارلان جيەمباي