الماتىدا 201 مەكتەپتە سوڭعى قوڭىراۋ سوعىلدى - فوتو
«قۇرمەتتى بالالار، وقۋشىلار، مەكتەپ تۇلەكتەرى مەن ولاردىڭ اتا- انالارى! ءبىز بۇل مەكتەپكە بەكەرگە كەلگەنىمىز جوق. بۇل ءبىلىم ورداسىندا جالپى ءبىلىم بەرۋگە ارنالعان پاندەردەن باسقا، حورەگرافيا، سۋرەت ونەرى جانە مۋزىكا ۇيرەتىلەدى. ياعني، بالالار ءبىلىم مەن ەڭبەكتىڭ، ونەردىڭ ماڭىزىن جاقسى تۇسىنەدى. ءوز باسىم، ادامنىڭ ازامات بولىپ قالىپتاسۋىنا ءۇش نارسە وتە ماڭىزدى دەپ سانايمىن. ءبىرىنشى كەزەكتە بۇل - ءبىلىم، ەكىنشى - تاربيە، ال ءۇشىنشى - ەڭبەك. ءبىر عانا دارىنمەن الىسقا بارا المايسىڭ. ول ءۇشىن ۇزدىكسىز ەڭبەك ەتۋ قاجەت. مىنە وسىنداي ادامدار جەتىستىككە قول جەتكىزە الادى. سوندىقتان، ءبىلىم الۋ جولىندا ايانباي ەڭبەك ەتىڭىزدەر. سىزدەرگە تابىستار تىلەيمىن»، - دەدى اكىم.
سونىمەن قاتار، قالا باسشىسى بيىلعى تۇلەكتەرگە ءبىرىڭعاي ۇلتتىق تەستى ويداعىداي تاپسىرۋلارىنا تىلەكتەستىك ءبىلدىردى.
ايتا كەتەلىك، الماتىلىق مەكتەپ وقۋشىلارى رەسپۋبليكالىق پاندىك وليمپيادالار مەن عىلىمي جوبالار بايقاۋلارىندا جوعارى ورىنداردان كورىنىپ ءجۇر.
ءدال قازىرگى تاڭدا الماتىدا ءبىرىنشى سىنىپتان ونىنشى سىنىپقا دەيىن 201963 وقۋشى وقيدى. بۇگىن سوڭعى قوڭىراۋ 201 مەكتەپتە سوعىلدى.
ال بيىل مەكتەپتى 6773 وقۋشى بىتىرەدى.
