بۋرابايدا ساياتشىلاردىڭ «قانسونار-2019» حالىقارالىق تۋرنيرى وتەدى

كوكشەتاۋ. قازاقپارات - 12-13 - جەلتوقسان كۇندەرى بۋراباي باۋرايىندا ساياتشىلاردىڭ «قانسونار-2019» حالىقارالىق تۋرنيرى وتەدى، دەپ حابارلايدى قازاقپارات ءتىلشىسى.

اقمولا وبلىسىنىڭ «Visit Aqmola»  تۋريستىك اقپارات ورتالىعىنىڭ مالىمەتىنشە، تاۋەلسىزدىك كۇنىنە جانە اتاقتى بۇركىتشى ءماسىپ باتىرحانوۆتى ەسكە الۋعا ارنالعان تۋرنيرگە قازاقستاننىڭ 12 وبلىسىنان، سونداي- اق، ۆەنگريا، موڭعوليا، قىرعىزستان، وزبەكستان، قىتاي جانە رەسەي ەلدەرىنەن قۇس ءتىلىن بىلەتىن، اقسۇيەك ونەردى جانىنا سەرىك ەتكەن ساياتشىلار قاتىسادى دەپ جوسپارلانعان.

تۋرنير باعدارلاما بويىنشا «بۇركىتپەن اڭ اۋلاۋ»، «سۇڭقارمەن اڭ اۋلاۋ» جانە «قارشىعامەن اڭ اۋلاۋ» سياقتى ءۇش كەزەڭنەن تۇرادى.

 اۆتور: اسلان وسپانوۆ