سايلاۋ-2019: ءتورت كانديدات قول جيناۋعا كىرىسىپ كەتتى

نۇر-سۇلتان. قازاقپارات - 2019-جىلدىڭ 9- ماۋسىمىندا وتەتىن كەزەكتەن تىس پرەزيدەنتتىك سايلاۋعا كانديداتتاردى ۇسىنۋ مەرزىمى اياقتالدى، دەپ حابارلايدى قازاقپارات ءتىلشىسى.

«ۇمىتكەرلەردى ۇسىنۋ كەزەڭىنىڭ قورىتىندىسى بويىنشا، پرەزيدەنتتىك سايلاۋعا قاتىسۋ ءۇشىن 9 رەسپۋبليكالىق قوعامدىق بىرلەستىكتىڭ، ونىڭ ىشىندە 4 ساياسي پارتيانىڭ وكىلدەرى ق ر ورتالىق سايلاۋ كوميسسياسىنا ءتيىستى قۇجاتتار وتكىزدى.

ولار - «ۇلى دالا قىراندارى» رەسپۋبليكالىق قوعامدىق بىرلەستىگى اتىنان سادىبەك تۇگەل، «Nur Otan» پارتياسى» قوعامدىق بىرلەستىگىنەن - قاسىم-جومارت توقايەۆ، «ق ر كاسىپوداقتار فەدەراتسياسى» رەسپۋبليكالىق كاسىپوداقتار بىرلەستىگىنەن - امانگەلدى تاسپيحوۆ، «اق جول» قازاقستاننىڭ دەموكراتيالىق پارتياسى» قوعامدىق بىرلەستىگىنەن - ءدانيا ەسپايەۆا، «اۋىل» حالىقتىق- دەموكراتيالىق پاتريوتتىق پارتياسى» قوعامدىق بىرلەستىگىنەن - تولەۋتاي راحىمبەكوۆ، «قازاقستان كوممۋنيستىك حالىق پارتياسى» اتىنان جامبىل احمەتبەكوۆ، «ۇلت تاعدىرى» بىرىككەن ۇلتتىق-پاتريوتتىق قوعادىسى» بىرلەستىگىنەن - ءامىرجان قوسانوۆ، «قازاقستان قۇرىلىسشىلار وداعى» زاڭدى تۇلعالار بىرلەستىگىنەن - تالعات ەرعاليەۆ جانە «حالىق دەموگرافياسى» قوعامدىق بىرلەستىگىنەن - جۇماتاي اليەۆ»، - دەپ اتاپ ءوتتى ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ ق ر و س ك وتىرىسىندا.

ورتالىق سايلاۋ كوميسسياسى ارقىلى ۇمىتكەرلىككە سايكەستىگى انىقتالعان 4 ۇمىتكەر قازىرگى ۋاقىتتا قول جيناۋعا كىرىسىپ كەتتى. ولار 12 وبلىستان، رەسپۋبليكالىق ماڭىزى بار قالالاردان جانە استانادان كەمىندە 118140 قول جيناۋى قاجەت.

وزگە كانديداتتاردىڭ زاڭناماعا سايكەستىگى الداعى كۇندەرى انىقتالادى.

ق ر پرەزيدەنتتىگىنە كانديداتتاردى تىركەۋ 2019-جىلدىڭ 11- مامىرىندا ساعات 18.00 دە اياقتالادى.