سايلاۋ-2019: «اۋىل» پارتياسى ءوز كانديداتىن جاريالايدى
«سەزدىڭ كۇن تارتىبىندە 2019-جىلعى 9- ماۋسىمدا وتەتىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا پارتيا اتىنان كانديداتۋرا ۇسىنۋ ماسەلەسى تۇر. جيىنعا پارتيانىڭ وبلىستىق فيليالدارىنىڭ وكىلدەرى، جاستار قاناتىنىڭ مۇشەلەرى، پارتيالىق بەلسەندىلەر مەن بۇقارالىق اقپارات قۇرالدارىنىڭ وكىلدەرى قاتىسادى»، - دەلىنگەن پارتيا حابارلاماسىندا.
ەسكە سالا كەتسەك، 9- ساۋىردە رەسپۋبليكالىق تەلەارنالاردان قازاقستان حالقىنا ۇندەۋ جاريالاعان مەملەكەت باسشىسى قاسىم-جومارت توقايەۆ ەلىمىزدىڭ كونستيتۋتسياسىنا سايكەس ق ر پرەزيدەنتىنىڭ كەزەكتەن تىس سايلاۋىن 2019-جىلدىڭ 9- ماۋسىمىندا وتكىزۋ جونىندە شەشىمىن جاريالادى.
ايتا كەتەيىك، 23- ءساۋىر كۇنى «Nur Otan» پارتياسى اتىنان قازاقستان رەسپۋبليكاسىنىڭ پرەزيدەنتتىگىنە كانديدات رەتىندە قاسىم-جومارت توقايەۆ تىركەلدى.
كەشە «اق جول» دەموكراتيالىق پارتياسىنىڭ كەزەكتەن تىس XV قۇرىلتايى دانيا ەسپايەۆانى رەسمي تۇردە پرەزيدەنتتىككە ۇمىتكەر رەتىندە بەكىتتى.
ودان بولەك، «ۇلى دالا قىراندارى» رەسپۋبليكالىق قوعامدىق بىرلەستىگى اتىنان قوعام قايراتكەرى، جازۋشى- جۋرناليست سادىبەك تۇگەل كانديدات رەتىندە ءتيىستى قۇجاتتارىن تاپسىردى.