ورالمانداردى قابىلداۋعا 2019-جىلى قانشا كۆوتا بولىنگەنى بەلگىلى بولدى

ۇكىمەتتىڭ ءتيىستى قاۋلىسى «ادىلەت» اقپاراتتىق-قۇقىقتىق جۇيەسىندە جاريالاندى.

ق ر ۇكىمەتىنىڭ 2018-جىلدىڭ 29- جەلتوقسانىنداعى قاۋلىسىمەن ورالماندار مەن قونىس اۋدارۋشىلاردى قابىلداۋدىڭ 2019-جىلعا ارنالعان وڭىرلىك كۆوتاسى بەلگىلەندى.

قۇجاتقا سايكەس، بيىل ورالمانداردى قابىلداۋ ءۇشىن 2103 ادامعا، سونداي-اق، قونىس اۋدارۋشىلاردى قابىلداۋ ءۇشىن 7771 ادامعا وڭىرلىك كۆوتا ءبولىنىپ وتىر.

ۇكىمەت قاۋلىسىمەن ق ر ەڭبەك جانە حالىقتى الەۋمەتتىك قورعاۋ مينيسترلىگىنە 2019-جىلدىڭ 1- تامىزىنا جانە 2020-جىلدىڭ 1- اقپانىنا قاراي قۇجاتتىڭ ورىندالۋى تۋرالى ەسەپتى تاپسىرۋ جۇكتەلدى.

وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

sputniknews.kz