نۋمەرولوگ كەڭەسى: 2019 -جىل ءساتتى ءوتۋ ءۇشىن نە ىستەۋ كەرەك

2019 -جىل سارى جەر دوڭىزى جىلى بولعاندىقتان ءار ادامعا كەڭەسىمدى ايتقىم كەلەدى دەيدى باۋىرجان ەسىمدى نۋمەرولوگ.

2019 -جىلى 3 سانى قۋانىشقا كەنەلتۋى مۇمكىن. ۇشتىك يۋپيتەر پلانەتاسىنا جاتادى. يۋپيتەر ءوسۋ مەن تابىستىڭ پلانەتاسى. سوندىقتان جاڭا جىلدا تابىستى ادامدار كوپ بولادى. كوپشىلىگى بايىپ، مانسابى جوعارىلايدى.

1-كەڭەس

ءار جىلدىڭ العاشقى 12 كۇنىندە ەجەلگى استرولوگيالىق عالىمداردىڭ دانالىعىنا جۇگىنۋگە بولادى. (اركىمنىڭ تۋعان كۇنىن ەسەپتەۋ كەرەك)

ياعني، جىلىڭىزدىڭ قالاي وتەتىنى، العاشقى 12 كۇندى قالاي وتكىزەتىنىڭىزگە بايلانىستى. ەگەر ءساتتى بولعانىن قالاساڭىز، العاشقى 12 كۇندى جاقسى كوڭىل- كۇيمەن وتكىزىڭىز. ەشكىممەن ۇرىسپاڭىز. اسىعىس قادام جاساماڭىز. ماڭىزدى شەشىمدەر قابىلداماڭىز. كەيىنگە قالدىرىڭىز. 12 كۇن بويى تىنىعىڭىز. ءبىلىم الۋعا، حوببيمەن اينالىسۋعا، وتابسىڭىزعا كوڭىل ءبولىڭىز. كوتەرىڭكى كوڭىل- كۇيمەن ءجۇرىڭىز، كىتاپ وقىڭىز، سۋعا شومىلىڭىز، كينوعا بارىڭىز. ەگەر جامان كوڭىل- كۇيدە وتكىزسەڭىز، اركىممەن ۇرىسساڭىز، جىل بويى كۇيزەلىستە، ۋايىممەن جۇرەسىز.

ابايلاڭىز. 2-كەڭەس

سارى جەر دوڭىزى جىلىندا الاياقتار، اتەيستەر وزگەگە زيان كەلتىرە وتىرىپ، قانداي دا ءبىر كەلىسىم جاساۋعا تىرىسادى. سوندىقتان ساق بولىڭىز. جەتى رەت ولشەپ، ءبىر رەت كەسۋ كەرەك. ءبىر نارسە ساتىپ الاردا اقىلداسىپ، سۇراپ بارىپ قادام جاساڭىز. قۇجاتىن ءجىتى تەكسەرىڭىز.

3-كەڭەس

دوڭىز جىلى - اقشا جىلى. اي تولعان كۇنى اقشا قۇيۋعا تىرىسىڭىز.

Stan.kz