قازاقستاندىقتاردى 2019-جىلى نە كۇتىپ تۇر؟
تانىمال نۋمەرولوگ NUR. KZ تىلشىسىنە ەكسكليۋزيۆتى سۇحبات بەرىپ، دوڭىز جىلىنىڭ ارتىقشىلىقتارىنا توقتالىپ ءوتتى.
قازاقستانعا بەلگىلى نۋمەرولوگتىڭ ايتۋىنشا، 2019-جىل - 3 سانىمەن بەلگىلى ەكەن. سول سەبەپتى مامان بۇل جىل ەرەكشە ساقتىق پەن تاباندىلىقتى قاجەت ەتەدى دەيدى.
«ەگەر بىلتىرعى جىل 2 سانىمەن بەلگىلى بولسا، بيىلعى جىل نۋمەرولوگيادا 3 سانىمەن پارا پار كەلەدى. جالپى نۋمەرولوگيادا ءار ساننىڭ ءوز ماعىناسى بار. الداعى جىل 3 سانىن ءبىلدىرىپ تۇرعاندىقتان، دوڭىز جىلىنىڭ ۇرانى - «اسىقپاي ءجۇرىپ، اڭدىپ باس» دەگىم كەلەدى.
اسىرەسە ادامدار قارجىعا قاتىستى ماسەلەلەردى ساقتىقپەن شەشۋلەرى كەرەك. دەسە دە، بيزنەسمەندەر مەن الەۋمەتتىك جوبالارى بار جاندار ءۇشىن بۇل جىل ءساتتى بولىپ تۇر.
نەگىزى قىزمەتتەگى كەلەڭسىزدىكتەردىڭ بارلىعىن باسشىلىق دەر كەزىندە انىقتاي بىلسە، ونىڭ قولاستىنداعىلار ءتۇرلى قيىندىقتاردان وڭاي جەڭەتىن بولادى»، - دەيدى مامان.
اديا قۇسايىنوۆانىڭ ايتۋىنشا، دوڭىز جىلى شىنايى ماقساتى بار ادامدار مول تابىسقا كەنەلەدى ەكەن.
«نەگىزى كەلەر جىلى بارلىق ادامزات ءۇشىن قولايلى بولماق، دوڭىز جىلى ءار ادامعا ءوزىن ءتۇرلى قىرىنان اشۋعا، تابىسقا جەتۋگە مۇمكىندىك بەرەتىن بولادى. سوندىقتان كوپ تابىسقا جەتەمىن دەۋشىلەر ايانباي ەڭبەك ەتۋلەرى كەرەك. سونداي-اق، ولاردىڭ ماقساتى ايقىن بولۋى ءتيىس.
ياعني ەڭبەكقور جاندار ءوز ماقساتىنا جەتەدى، ال كەرىسىنشە، جالقاۋ جانداردان تابىس تەرىس اينالاتىن بولادى.
مىسالى كەلەر جىلى سپورتشىلار ءۇشىن وتە قولايلى جىل، الايدا بۇل جەردە دە ولار اسقان تاباندىلىق تانىتىپ، ەڭبەكتەنۋ كەرەك. سول كەزدە عانا بيىكتەن كورىنەدى»، - دەدى مامان.
سونىمەن بىرگە، نۋمەرولوگ قۇسايىنوۆا 2019-جىلدىڭ كەمشىن تۇستارىن دا ايتىپ بەردى.
«كەلەر جىل داۋ-جانجالدار مەن الدانىپ قالۋ جاعىنان قاۋىپتى. سوندىقتان كەز كەلگەن ادام شەشىم قابىلداردا ونى «جەتى رەت ولشەپ، ءبىر رەت كەسۋى» قاجەت. ەگەر وسى جىلى قانداي دا ءبىر قيىندىقتار ورىن الىپ جاتسا دا، قول قۋسىرۋعا بولمايدى.
باستىسى ادامدار ەموتسياعا بەرىلمەۋى كەرەك. كەز كەلگەن ماسەلەگە سۋىق قاندى قارايتىن بولساق، بارلىق قيىندىقتاردى وپ-وڭاي جەڭۋگە بولادى.
سول سياقتى ۇلكەن جوبالارعا اقشا قۇيۋدان دا ساق بولۋ كەرەك. الدانىپ قالۋلارى ابدەن مۇمكىن»، - دەيدى ول.
تانىمال نۋمەرولوگ بيىلعى جىل باسى بوس جاندارعا ءوز سىڭارىن تاۋىپ، وتباسىن قۇرۋعا قولايلى جىل ەكەنىن دە ايتتى.
«مىسالى نەشە جىلدان بەرى كەزدەسىپ جۇرگەن جۇپتار بيىل قورىقپاي ۇيلەنۋگە بەل بۋۋلارى كەرەك. سوندىقتان جىگىتتەر ۇسىنىس جاساۋدان قورىقپاڭىزدار، بيىل وتباسىن قۇرۋعا ابدەن قولايلى جىل»، - دەدى مامان.
اديانىڭ ايتۋىنشا، 2019-جىلى تۋعانداردىڭ توتەمى - مارال اڭى ەكەن.
«بۇل جىلى تۋىلعاندار جۋاس، تەرەڭ سەزىمدى باستان كەشىرۋگە قورقاتىن، وتە سەزىمتال، ءبىراق وزگە ادامدارمەن تەز ءتىل تابىساتىن جاندار بولادى. جانە ولار وتە ارمانشىل كەلەدى، كەيدە ءتىپتى وي-سەزىمگە ەرىك بەرىپ، قاتە شەشىم قابىلداپ قالاتىن كەزدەرى دە بولادى. بۇل جىلى سىرتقى كەلبەتتەرى كەلىستى، تارتىمدى، ءوز-وزىنە سەنىمدى جاندار ومىرگە كەلەدى»، - دەيدى قۇسايىنوۆا.
سۇحبات سوڭىندا ول جالپى كەلەر جىل قازاقستاندىقتار ءۇشىن جاقسىلىعى مول جىل ەكەنىن اتاپ ءوتتى.
«ەكونوميكالىق، الەۋمەتتىك جاعىنان دا حالىققا قولايلى جىل بولماق، ەلدە تىنىشتىق، بەيبىت ءومىر بولادى»، - دەپ ءسوزىن قورىتىندىلادى نۋمەرولوگ.