استانادا 2019-جىلى دجيۋ-دجيتسۋدەن حالىقارالىق تۋرنير وتەدى
«بۇگىن مالمە (شۆەتسيا) قالاسىندا الەمنىڭ 52 مەملەكەتىنەن دجيۋ-دجيتسۋ قاۋىمداستىقتارىنىڭ قاتىسۋىمەن حالىقارالىق كونفەرەنسيا ءوتتى. كونفەرەنسيادا استانانى تانىستىرىپ ءوتىپ، كەلەسى گراند سلەمدى قالامىزدا وتكىزۋدى ۇسىندىق. اسسامبلەياعا قاتىسۋشىلار استانانىڭ كانديداتۋراسىن ءبىراۋىزدان قولدادى. كەلەر جىلى دجيۋ-دجيتسۋدەن بەدەلدى حالىقارالىق تۋرنيرگە قاتىسۋ ءۇشىن بىزگە 60 تان اسا مەملەكەتتەن سپورتشىلار كەلەدى»، - دەپ جازدى استانا قالاسى مادەنيەت جانە سپورت باسقارماسىنىڭ باسشىسى بولات ماجاعۇلوۆ فەيسبۋكتەگى پاراقشاسىندا.
سونىمەن قاتار، ب. ماجاعۇلوۆ حالىقارالىق دجيۋ-دجيتسۋ قاۋىمداستىعىنىڭ مۇشەلەرى ونى ورتالىق ازيا بويىنشا ۆيتسە-پرەزيدەنت ەتىپ تاعايىنداعانىن دا ايتىپ ءوتتى.
ەسكە سالساق، ازيا چەمپيوناتىنىڭ قولا جۇلدەگەرى، برازيليالىق دجيۋ-دجيتسۋدەن كوك بەلبەۋدىڭ يەگەرى بولات ماجاعۇلوۆ ۇستىمىزدەگى جىلدىڭ شىلدە ايىنان باستاپ قازاقستان دجيۋ-دجيتسۋ قاۋىمداستىعىنىڭ پرەزيدەنتى مىندەتىن اتقارادى.