الداعى 2019-جىلى قاڭتار ايىندا وتەتىن ۇ ب ت- عا كىم قاتىسا الادى؟

استانا. قازاقپارات - تالاپكەرلەر ءۇشىن ۇلتتىق ءبىرىڭعاي تەستىلەۋدى قاڭتار ايىندا تاپسىرۋعا مۇمكىندىك تۋىپ وتىر.

الايدا، قاڭتار ايىندا وتەتىن تەستىلەۋدەن كەيىن تالاپكەر ج و و- دا تەك اقىلى نەگىزدە وقي الادى. ۇ ب ت- عا وتىنىشتەر 1-15- جەلتوقسان ارالىعىندا قابىلدانادى، دەپ حابارلايدى ق ر ب   باسپا ءسوز قىزمەتى.

مينيسترلىكتىڭ مالىمەتىنشە، مەملەكەتتىك ءبىلىم بەرۋ گرانتتارى نەگىزگى ۇ ب ت تاپسىرىلعاننان كەيىن ۇلەستىرىلەتىن بولادى.

ۇلتتىق ءبىرىڭعاي تەستىلەۋگە (ۇ ب ت) قاتىساتىندار:

- ورتا مەكتەپتەردىڭ 11-12 سىنىپ وقۋشىلارى (2019-2020- وقۋ جىلىندا ج و و- دا اقىلى نەگىزدە وقۋ ءۇشىن). قاڭتار ايىندا وتەتىن بۇل تەستىلەۋ تۇلەكتەرگە نەگىزگى تەستىلەۋدىڭ الدىندا ءوز بىلىمدەرىن تەكسەرۋ ءۇشىن تاپتىرماس مۇمكىندىك. مەملەكەتتىك ءبىلىم بەرۋ گرانتىنا ۇمىتتەنگەن تالاپكەر 2019-جىلعى جازدا وتەتىن ۇ ب ت- نى مىندەتتى تۇردە تاپسىرۋى قاجەت. ويتكەنى، قاڭتار ايىنداعى تەستىلەۋدە شەكتى بال جيناعان تەستىلەنۋشى بۇل سەرتيفيكاتىمەن ج و و- دا تەك اقىلى نەگىزدە وقي الادى؛

- ج و و- عا ۋاقىتشا تىركەلگەن جانە ءبىرىنشى سەمەستردى اياقتاپ جاتقان ستۋدەنتتەر. بۇل تەستىلەۋدەن ستۋدەنت ءبىلىم الىپ جۇرگەن وقۋ ورنىنا رەسمي تىركەلۋ ءۇشىن جانە ج و و- داعى وقۋىن جالعاستىرۋ ءۇشىن وتەدى. ەگەر ستۋدەنت شەكتى بال (50 بال) جيناي الماسا، وقۋدان شىعارىلادى.

ەسكە سالا كەتسەك، تەست تاپسىرۋشىلار قاڭتار ايىندا وتەتىن ۇ ب ت- عا قاتىسقاننان كەيىن ماۋسىم ايىندا وتەتىن ۇ ب ت- عا قاتىسۋ جانە مەملەكەتتىك ءبىلىم بەرۋ گرانتتارىن تاعايىنداۋ بويىنشا وتەتىن بايقاۋعا قاتىسۋ مۇمكىندىگىنەن ايىرىلمايدى.

تەستىلەۋگە قاتىسۋ ءۇشىن وتىنىشتەر ۇلتتىق تەستىلەۋ ورتالىعىنىڭ ۇ ب ت تاپسىرۋ پۋنكتەرىندە قابىلدانادى. قاڭتار ايىنداعى تەستىلەۋ اقىلى، قۇنى - 2242 تەڭگە.